Read west central oromo Seera Ba'uu 2 Bible Online

Seera Ba'uu 2 - west central oromo bible

Seera Ba'uu 2

¹Bara sana namichi sanyii Lewwii tokko dhaqee, sanyii isaa keessaa intala tokko fuudhe*;

²dubartittiinis ulfooftee ilma in deesse; mucichi bareedaa ta'uu isaa yommuu argite ji'a sadiif isa in dhoksite*.

³Yeroo dhoksuu dadhabdetti immoo waan akka bidiruu xinnoo dhallaadduu irraa hojjetame tokko fuutee, leeleedhaa fi hapheedhaan maragdee, mucicha isa keessa ciibsitee, qarqara laga Abbayyaa jajjaba keessa keesse;

⁴obboleettiin isaa immoo wanta mucichi ta'u ilaaluudhaaf irraa fagaattee in dhaabatti turte*.[3]

⁵Yommus intalli mootichaa immoo laga Abbayyaatti dhiqachuudhaaf dhufte; durboonni isheedhaaf ergaman immoo qarqara lagichaa in adeemu turan; isheen jajjaba keessatti wanta akka bidiruu sana argitee, xomboreen ishee akka itti fiduuf in ergite.

⁶Wanta fichisiifte sana yommuu bante mucicha argite; mucichi in boo'a waan tureef, garaan ishee jibbee, ?Kun ijoollee Ibrootaa keessaa tokko? jette.

⁷Kana booddee obboleettiin isaa dhuftee intala mootichaatiin, ?Hoosiftee akka siif guddiftuuf dhaqee dubartoota Ibrootaa keessaa tokko siif waamuu?? jette.

⁸Intalli mootichaa immoo deebiftee ?Dhaqi!? jetteen; akkasitti intalattiin dhaqxee haadha mucichaa waamtee in fidde.

⁹Intalli mootichaa, ?Mucaa kana fuudhii hoosisii anaaf guddisi! Ani immoo gatii dadhabbii kee siifan baasa!? jetteen; dubartittiinis mucicha fuutee hoosiftee in guddifte.

¹⁰Mucichi erga guddatee, isheen gara intala mootichaatti isa fidde; inni isheedhaaf ilma ta'e; isheen immoo, ?Ani bishaan keessaa isa baaseera!? jettee, maqaa isaa Museetti moggaafte*.[4]

¹¹Museen nama ga'aa erga ta'ee, gaaf tokko gara sanyii isaatti gad ba'ee hojii isa ba'aa ulfaataa isaanitti ta'e sana in ilaale; namni Gibxii tokko Ibroota sanyii isaa keessaa isa tokko utuu rukutuu arge*.

¹²Inni asii fi achi ilaalee nama biraa tokko illee yeroo dhabetti, namicha Gibxii sana ajjeesee reeffa isaa cirracha jala dhokse.

¹³Guyyaa itti aanuttis yeroo gad ba'e, Ibroonni lama utuu wal lolanii arge; inni namicha isa balleesseen, ?Ati maaliif Ibricha akkaa keetti rukutta?? jedhe.

¹⁴Namichi immoo deebisee, ?Ati eegduudhaa fi abbaa firdii akka taatuuf eenyutu nu irra si kaa'e? Yookiis akkuma namicha Gibxii sana ajjeefte anas ajjeesuu yaaddee?? jedhe; yommus Museen in sodaate; itti yaadees, ?Dubbichi beekamuun isaa dhuguma!? jedhe.

¹⁵Mootichi yommuu waa'ee isaa dhaga'e immoo Musee ajjeesuu barbaade; Museen garuu isa jalaa gara biyya Miidiyaanitti baqate; achi yommuu ga'e boolla bishaanii tokko bukkee in taa'e*.[5]

¹⁶Lubni Miidiyaan tokko ijoollee durbaa torba qaba ture; isaan gara boolla bishaanichaa dhufanii, bushaayee abbaa isaanii obaasuudhaaf bishaan buduqsanii bidiruutti guutan*.

¹⁷Tiksoonni biraa immoo dhufanii irraa isaan in ari'atan; Museen garuu achii ka'ee durboota sana gargaaree bushaayee isaanii in obaaseef.

¹⁸Durboonni kun gara abbaa isaanii Reu'ela[6] isa Yetroo jedhamu, yommuu dhufan, inni immoo, ?Har'a maalittuu akkas daftanii deebitan?? jedhe.

¹⁹Isaan immoo, ?Nama Gibxii tokkotu tiksoota nu irraa dhowwe, bishaan iyyuu nuuf buduqsee bushaayee nuuf obaase? jedhan.

²⁰Inni immoo durboota isaatiin, ?Amma namichi eessa jira ree? Maaliif isa dhiiftanii dhuftan? Waamaa buddeena haa nyaatu!? jedhe.[7]

²¹Akkasitti Museen namicha bira jiraachuu in jaallate; namichis intala isaa Siiforaa Museef in kenne.

²²Isheen ilma deesse; Museen immoo, ?Ani biyya ormaatti galaa ta'eera? jedhe, maqaa isaa Gershoomitti moggaase* [?Gershoom? jechuun ?Galaa? jechuu dha].[8]

²³Bara baay'ee booddee mootiin biyya Gibxii in du'e; namoonni Israa'el immoo garbummaa isaanii keessatti aadanii gargaarsaaf in iyyatan; inni isaan garbummaa keessaa iyyatanis gara Waaqayyootti ol ba'e.

²⁴Waaqayyo yommus aadnaa isaanii dhaga'ee, kakuu Abrahaamii fi Yisihaqiif, Yaaqoobiifis kakate in yaadate*;

²⁵Waaqayyo akka Israa'eloonni itti jiran beekee, isaan in ilaale.[9]