Read west central oromo Seera Ba'uu 4 Bible Online

Seera Ba'uu 4 - west central oromo bible

Seera Ba'uu 4

¹Yommus Museen deebisee, ?Kunoo sabni Israa'el, ?Waaqayyo sitti hin mul'anne? naan jedhanii, ana hin amanan, dubbii koos hin dhaga'an ta'a? jedhe.

²Kana irratti Waaqayyo, ?Maal inni harka kee keessaa?? jedheen; inni immoo, ?Ulee dha? jedhe.

³Gooftaan immoo, ?Ulicha lafa buusi!? jedheen; innis lafa buufnaan, ulichi bofa ta'e; Museenis irraa in baqate*.

⁴Waaqayyo garuu Museedhaan, ?Harka kee hiixadhuu eegee isaa qabi!? jedhe; Museenis hiixatee qabe; inni yommus harka isaa keessatti deebi'ee ulee ta'e.

⁵Egaa, ?Kanaan ani Waaqayyo gooftaan inni kan abboota isaanii, Waaqayyo inni kan Abrahaam, Waaqayyo inni kan Yisihaq, Waaqayyo inni kan Yaaqoob akka sitti mul'ate in amanu? jedhe.

⁶Itti dabalees Waaqayyo, ?Harka kee dachaasaa wayyaa keetii keessa kaa'i!? jedheen; innis harka isaa dachaasaa wayyaa isaatii keessa in kaa'e; yeroo inni harka isaa gad baase immoo, kunoo, harki isaa lamxi'amee[14] adii akka boralee ta'e.

⁷Ammoo Waaqayyo, ?Harka kee deebisii dachaasaa wayyaa keetii keessa kaa'i!? jedhe; innis harka isaa deebisee dachaasaa wayyaa isaatii keessa kaa'e; yeroo inni achi keessaa baase immoo, kunoo, akka isaa duraatti deebi'eefii gogaa isaa isa kaan fakkaate.

⁸Yommus Waaqayyo, ?Isaan yoo si amanuu dhabaatan, milikkita isa duraa kanaanis tole yoo jechuu dhabaatan, milikkita isa booddee kanaan in amanu;

⁹isaan milikkita kana lamaan iyyuu yoo amanuu dhabaatan, dubbii kees yoo dhaga'uu dhabaatan immoo bishaan laga Abbayyaatii buduqsii, lafa gogaa irratti dhangalaasi! Bishaan inni ati laga Abbayyaatii buduqsitu sun lafa gogaa sana irratti dhiiga in ta'a? jedheen*.[15]

¹⁰Museen garuu Waaqayyoon, ?Yaa gooftaa ko, ani duris nama arraba qajeeluu miti, erga ati ana garbicha keetti dubbattee jalqabes ani nama akkasii hin taane; ani afaan koo hidhamaa dha, arrabni koos anatti in ulfaata? jedhe*.

¹¹Yommus Waaqayyo immoo, ?Afaan namaa eenyutu uume? Eenyutu didaa yookiis duudaa, kan argu yookiis jaamaa isa godha? Ana Waaqayyo mitii ree*?

¹²Kanaaf amma ati dhaqi, ani immoo akka ati dubbattuuf sin gargaara! Waan ati dubbattus sin barsiisa!? jedheen*.

¹³Inni garuu, ?Yaa gooftaa ko, hadaraa nama biraa utuu ergitee in wayya? jedhe.[16]

¹⁴Yommus dheekkamsi Waaqayyoo Musee irratti in boba'e; Museedhaan, ?Obbooleessi kee Aaron, sanyiin Lewwii jira mitii? Inni ba'eessa godhee akka dubbatu ani beeka; kunoo, inni si simachuudhaaf in ba'a, yommuu si argus garaa isaatti in gammada.

¹⁵Ati isatti in dubbatta, dubbicha afaan isaa keessa in keessa; ani immoo akka ati dubbattuuf, akka inni dubbatuufis nan gargaara; wanta hojjettanis ani isin nan barsiisa.

¹⁶Inni waan ati dubbachuuf jettu namootatti siif in dubbata; inni afaan siif in ta'a, ati immoo ana Waaqayyoof afaan taatee isatti kan dubbattu in taata*.

¹⁷Ati ulee ittiin milikkita argisiiftu kana of harkatti in qabatta? jedhe.[17]

¹⁸Museen achii adeemee gara Yetroo gara abbiyyuu isaatti deebi'ee, ?Ka'ee gara sanyii koo warra biyya Gibxii jiranii dhaqee, jiruu fi hin jiranii isaanii nan ilaala!? jedheen; Yetroo immoo Museedhaan, ?Nagaadhaan dhaqi!? jedhe.

¹⁹Waaqayyo yommus biyya Miidiyaanitti Museedhaan, ?Warri lubbuu kee balleessuu barbaadaa turan hundinuu amma du'aniiru, deebi'ii gara biyya Gibxii dhaqi!? jedhe.

²⁰Kana irratti Museen haadha manaa isaa fi ilmaan isaa harree irra kaa'ee fudhatee, gara biyya Gibxiitti in deebi'e; Museen harka isaatti immoo ulee isa Waaqayyo jedheen sana in baata ture*.[18]

²¹Waaqayyo yommus Museedhaan, ?Yeroo deebitee gara biyya Gibxii dhaqxutti, dinqii ani hojjechuudhaaf humna siif kenne fuula mootii biyyasii duratti akka argisiiftuuf yaadaan qabadhu! Garuu akka inni saba sana gad hin dhiifnetti, ani mata-jabeessa isa nan godha*?.

²²Ati immoo mootichatti, ?Waaqayyo, ?Israa'el, ilma koo isa angafa*,

²³ani kanan sitti dubbadhu, ilmi koo dhaqee akka anaaf hojjetutti, gad dhiisi! Ati isa gad dhiisuu yoo didde immoo, kunoo, ani ilma kee isa angafa nan ajjeesa? jedheera? jedhii himi*![19]

²⁴Waaqayyo karaa irratti iddoo buufataatti Museetti dhufee, Musee ajjeesuu barbaade*.

²⁵Siiforaan immoo dhagaa qara qabu fudhattee, gogaa foon ilma ishee haguuge dhagna qabdee, isa ittii kute sanaan gudeeda Musee gidduu in tuqxe; achumaanis, ?Ati anaaf dhirsa misirroo dhiigaa ti? jetteen*.

²⁶Waaqayyo immoo isa in dhiise; yommus isheen waa'ee dhagna-qabaatiif ?Dhirsa misirroo dhiigaa ti? jette.[20]

²⁷Waaqayyo gidduu kanatti Aaroniin, ?Ka'ii, Musee simuudhaaf gara lafa onaa dhaqi!? jedhe; innis dhaqee tulluu Waaqayyoo irratti isa argee, in dhudhungate*.

²⁸Yommus Museen dubbii Waaqayyoo akka inni dubbatuuf isa erge hundumaa, milikkita akka inni argisiisuuf isa abboome hundumaas Aaronitti in hime.

²⁹Kana booddee Musee fi Aaron dhaqanii maanguddoota saba Israa'el hundumaa walitti qaban.

³⁰Aaron immoo dubbii Waaqayyo Museetti dubbate hundumaa isaanitti in hime; yommus Museen milikkiticha sana ija saba sanaa duratti in argisiise.

³¹Sabni sunis in amanan; Waaqayyo saba Israa'elin akka ilaale, gad qabamuu isaaniis akka arge yeroo dhaga'anitti immoo qoomma'anii in sagadan*.[21]