Read west central oromo Macaafa Iyoob 1 Bible Online

Macaafa Iyoob 1 - west central oromo bible

Macaafa Iyoob 1

¹Namni maqaan isaa ?Iyoob? jedhamu tokko biyya Uz keessa ture; namni kun hir'ina kan hin qabne, nama yaada qajeelaa, nama Waaqayyoon sodaatu, hamaa irraas kan gore ture*.

²Inni ilmaan torbaa fi intaloota sadii in godhate.

³Akkasumas hojjetoota sonaan baay'ee, hoolota kuma torba, gaalota kuma sadii, qotiyyoo cimdii dhibba shanii fi harroota dhaltuu dhibba shan qaba. Namoota gara ba'a-biiftuu jiraatan hundumaa keessaa inni nama guddaa ture.[1]

⁴Ilmaan namichaa darabee darabeedhaan mana mana isaaniitti nyaachisa waliif in godhu; obboleettonni isaanii sadanis isaanii wajjin nyaatanii akka dhuganiif erganii in waamsisu turan.

⁵Yeroon nyaachisa isaanii yommuu raawwatamu, Iyoob, ?Ijoolleen koo yaada isaaniitti Waaqayyoon yakkanii, isa arrabsaniiru ta'a? jedhee waan yaaduuf, ganama obboroodhaan ka'ee ijoollee isaa geessee, akka lakkoobsa ijoollee isaa hundumaatti qalma gubamu in dhi'eessa, isaan in qulleessas ture; kanas yeroodhuma yerootti in hojjeta ture.

⁶Gaaf tokko warri waaqa irraa ?Ilmaan Waaqayyoo? jedhaman fuula Waaqayyoo duratti argamuudhaaf in dhufan; Seexannis isaan gidduutti in argame*.

⁷Waaqayyo, ?Ati eessaa dhufte?? jedhee, Seexana in gaafate; Seexanni immoo, ?Lafa irra asii fi achi, olii fi gad deddeebi'aa tureen dhufa? jedhee Waaqayyoof deebii in kenne.

⁸Waaqayyos Seexanaan, ?Iyoob garbicha koo irra yaada kee keessee ree? Biyya lafaa irra namni akka isaatii hin jiru, inni hir'ina kan hin qabne, nama qajeelaa, nama ana Waaqayyoon sodaatu, waan hamaa irraas goruu dha? jedhe.

⁹Seexanni immoo deebisee, ?Iyoob waa malee si Waaqayyoon sodaataa ree*?

¹⁰Ati isaa fi mana isaatti wanta inni qabu hundumaattis naannessitee dallaa hin ijaarree ree? Hojii harka isaatii in eebbifteef; qabeenyi isaas biyyicha keessatti in baay'ate.

¹¹Mee, harka kee ol fuudhiitii wanta inni qabu hundumaa rukuti! Inni iyyuu mul'inatti si arrabsa? jedhe*.

¹²Waaqayyo immoo Seexanaan, ?Kunoo, wanti inni qabu hundinuu harka kee keessa jira, Iyoobitti garuu quba kee hin buusin!? jedhe; kana booddee Seexanni fuula Waaqayyoo duraa in adeeme.[2]

¹³Gaaf tokko ilmaan Iyoobii fi intaloonni isaa mana obboleessa isaanii isa angafaatii nyaachaa, daadhii wayniis dhugaa utuu jiranii,

¹⁴namni ergame tokko gara Iyoob dhufee, ?Qotiyyooliin qotiisatti jiru, harroonni immoo isaan bira in dheedu turan.

¹⁵Namoonni Sheebaa, hojjetoota billaadhaan ajjeesanii horii fudhatanii in sokkan; ana duwwaatu jalaa ba'ee, kana sitti himuudhaaf dhufe? jedhe.

¹⁶Utuu inni dubbatee afaanii hin fixin, namni biraa tokko ergamee dhufee, ?Ibiddi Waaqayyo biraa bantii waaqaa keessaa gad bu'ee hoolotaa fi hojjetoota gubee in fixe; ana duwwaatu jalaa ba'ee, kana sitti himuudhaaf dhufe? jedhe*.

¹⁷Inni kunis dubbatee utuu afaanii hin fixin, namni kan biraa tokkos immoo dhufee, ?Warri Kaldootaa kutata sadiitti hiramanii, dingata irra ba'anii gaalota ooffatanii adeeman; hojjetootas billaadhaan in ajjeesan; ana duwwaatu jalaa ba'ee, kana sitti himuudhaaf dhufe? jedhe.

¹⁸Inni kunis immoo dubbatee utuu afaanii hin fixin, kan biraa tokkos immoo dhufee, ?Ilmaan kee fi intaloonni kee mana obboleessa isaanii isa angafaatii nyaachaa, daadhii wayniis dhugaa turan;

¹⁹kunoo, qilleensi jabaan tokko lafa onaatii dhufee, golee manichaa arfan in rukute; yommus manichi ijoollota irratti in jige, ijoollonnis in dhuman; ana duwwaatu jalaa ba'ee, kana sitti himuudhaaf dhufe? jedhe.[3]

²⁰Kana irratti Iyoob lafaa ka'ee gadda irraa kan ka'es uffata isaa tarsaasee, mataa isaas haaddatee, lafatti gad gombifamee in sagade*.

²¹Achumaanis, ?Qullaa koon garaa haadha kootiitii ba'e, qullaa koos biyyootti nan deebi'a; Waaqayyotu kenne, Waaqayyotu fudhate; maqaan Waaqayyoo haa eebbifamu!? jedhe*.[4]

²²Kana hundumaa keessaa Iyoob hin yakkine, ?Dabaa hojjette? jedhees Waaqayyoon hin hadheessine.