Read west central oromo Macaafa Iyoob 11 Bible Online

Macaafa Iyoob 11 - west central oromo bible

Macaafa Iyoob 11

¹Yommus Zofaar Naa'imaatichi deebisee,

²?Dubbii baay'eedhaaf deebiin hin kennamuu ree? namni dubbataa ta'eef dhugaa in argataa ree?

³Sobni kee calluma nama jechisiisaa ree? Yommuu ati ga'iftus namni si ifatu hin jiruu ree?

⁴Waaqayyoon, ?Barsiifni koo qullaa'aa dha, anis fuula kee duratti akka seeraatti qullaa'aa dha? in jetta*;

⁵Waaqayyo afaan isaa saaqqatee, si irratti utuu dubbatee attam gaarii dha*!

⁶Inni dhoksaa ogummaa sitti in mul'isa, hubannaan isaas hammana hin jedhamu; inni cubbuu kee keessaa gar tokko akka hin lakkaa'amne siif gochuu isaa beeki*![37]

⁷?Gad fageenya dhoksaa Waaqayyoo qortee bira ga'uu dandeessaa ree? Daarii yaada isa hundumaa danda'uu qortee bira ga'uu dandeessaa ree*?

⁸Yaadni isaa bantii waaqaa caalaa ol ka'aa dha, maal gochuu dandeessa ree? Iddoo lafa jalaa caalaa gad fagoo dha, maal isaa beekuu dandeessa ree?

⁹Safarri isaas lafa caalaa in dheerata, galaana caalaas in bal'ata.

¹⁰Waaqayyo kana hundumaa irra darbee dhufee mana hidhaatti si galchee yaa'iis yoo sitti dachaase, eenyutu isa dhowwuu danda'a*?

¹¹Inni nama waa'ee hin baafne beeka, jal'ina namaa yommuu argu, inni yaadaan hin qabuu ree?

¹²Yoo harreen gaanfa baafte duwwaa, namni gowwaan ogeessa ta'uu in danda'a.[38]

¹³?Ati garaa kee yoo qajeelfatte, isa kadhachuudhaafis harka kee yoo bal'ifte*,

¹⁴yakka isa harka kee keessa jiru yoo of irraa fageessite, jal'innis godoowwan kee keessa hin buufatu yoo ta'e,

¹⁵yommus ati dhugumaan yeelloo malee, mataa kee ol in qabatta; sodaa malees jabaattee in dhaabatta*.

¹⁶Ati rakkina kee in irraanfatta; akka bishaan yaa'ee darbee duwwaatti isa in yaadatta.

¹⁷Jireenyi kees guyyaa saafaa caalaa in ifa, dukkannis akka ganamaa in ta'a*;

¹⁸abdiin waan jiruuf in amanatta, ati naannoo kee marsitee ilaaltee nagaattis in rafta;

¹⁹ati in rafta kan si sodaachisus hin jiru, namoonni baay'een akka ati faara isaanitti toltu in barbaadu*.

²⁰Iji jal'ootaa garuu arguu in dadhaba, karaa ittiin duraa ba'anis in dhabu; abdiin isaaniis du'a duwwaa dha? jedhe.[39]