Read west central oromo Macaafa Iyoob 16 Bible Online

Macaafa Iyoob 16 - west central oromo bible

Macaafa Iyoob 16

¹Yommus Iyoob deebisee,

²?Ani dubbii akkasii kana baay'ee dhaga'eera; isin hundumti keessan jajjabeessitoota rakkina dabaltanii dha*.

³Dubbiin waa'ee hin baafne dhuma qabaa ree? Yookiis ati maaltu si tuttuqnaan dubbattee dhiisuu didda?

⁴Utuu isin iddoo koo buutanii, anis akkuma keessan nan dubbadha, mataa koos isinitti nan raasan ture*;

⁵dubbii afaan kootiitiin isin nan jajjabeessa, arraba kootiinis dhukkubbii keessan nan salphisan ture.[55]

⁶?Ani yoon dubbadhe dhukkubni koo anatti hin salphatu, yoon obses homaa anatti hin fooyya'u.

⁷Amma garuu yaa Waaqayyo, ati na dadhabsiifteetta, warra anaa wajjin jiran hundumaa balleessiteetta;

⁸rakkinni koo na qabuun isaa dhugaa anatti in ba'a; huqinni koo ana irratti ka'ee mul'inatti dhugaa anatti in ba'a*;

⁹inni dheekkamsa isaatiin na tarsaasee, diinummaa anatti in argisiise, anattis in ciniinnate; diinni koo ija anatti in diimeffata.

¹⁰Namoonni afaan isaanii bal'isanii anatti in banan, ga'isaa maddii koo kabalan, tokko ta'aniis ana irratti wal ga'an.[56]

¹¹?Waaqayyo warra kan isaa hin ta'initti na kenneera, harka warra jal'ootaa keessas na buuseera*;

¹²isatu na cabsee gargar na baase malee, ani of irraa bu'ee nan jiraadhan ture; inni morma qabee na caccabse; adabaaf kan itti akeekkatu na godhate*.

¹³Xiyyooliin isaa anatti marsan, Waaqayyo oo'a malee kaleewwan koo in tarsaasa, hadhooftuu koos lafatti in dhangalaasa*.

¹⁴Inni dha'icha irratti dha'icha anatti in dabala, akka loltuutti fiigichaan ana irra in ba'a.[57]

¹⁵?Ani uffata gaddaa hodhadheera, humna koos biyyoo keessa nan kaa'e*;

¹⁶fuula koo boo'ichatu bobbokokse, baalleewwan ija koos ana irra gara galanii lafa arguu na dhowwan;

¹⁷kana keessaa immoo humnaan nama irratti ka'uun na bira hin jiru, kadhannaan koos qullaa'aa dha*.[58]

¹⁸?Yaa lafaa dhiiga koo hin dhoksin! iyyi koos si biratti ukkaamamee hin hafin*!

¹⁹Kunoo, ammuma iyyuu kan dhugaa anaaf ba'u waaqa irra jira, waa'ee koo kan himus ol gara irraa jira*;

²⁰firoonni koo anatti ga'isu, ani garuu Waaqayyotti boo'ee imimmaan nan dhangalaasa.

²¹Akka isa namaa fi nama walitti araarsuutti, namni namaa fi Waaqayyoon walitti araarsu utuu argame attam gaarii dha*!

²²Waggaa muraasa duwwaatu hafa, kana booddee ani lafa hin galle dhaquu koo ti*.[59]