Read west central oromo Macaafa Iyoob 17 Bible Online

Macaafa Iyoob 17 - west central oromo bible

Macaafa Iyoob 17

¹?Hafuurri koo na keessaa yaa'uuf jetti, barri jireenya koo dhumeera, awwaallis anaaf qophaa'ee jira*.

²Dhuguma warri ga'iftuun na marsanii jiru, iji koos tuttuqaa isaanii irra buufatee jira.

³Anaaf qabsiisa kan ta'u of bira anaaf kaa'i! Si malee abdii kan anaaf ta'u eenyu ree*?

⁴Akka isaan hin hubanneef yaada isaanii jalaa dhoksiteetta, kanaaf akka isaan mo'an hin gootu;

⁵nama qabeenya firoota isaa hirmachuuf jedhee maqaa isaanii balleessu, iji ijoollota isaatii arguu in dadhaba.

⁶Waaqayyo, nama isa namni fuula isaatti tufu, nama hundumaafis muka mammaaksaa na godhe*.

⁷Gadda irraa kan ka'e iji koo arguu dhabe, bu'aan dhagna kootii hundinuus gaadidduu isaatu adeema.

⁸Namoonni yaada qajeelaa qaban kana in dinqifatu, namni balleessaa hin qabne warra Waaqayyo malee jiraatanitti in ka'a*;

⁹haa ta'u iyyuu malee, namni qajeelaan karaa isaatti in jabaata, inni harki isaa hin xuraa'inis humna dabalachaa in adeema.[60]

¹⁰?Hundumti keessan mee deebi'aatii yaalaa! Ani garuu isin gidduudhaa nama ogeessa hin argadhu.

¹¹Barri jireenya koo darbeera, akeeki koo, hawwiin garaa koos karaatti in hafe.

¹²Jarri kun halkan guyyaatti in deebisu, yeroo dukkanaa'u immoo, ?Ifni dhi'oo dha? in jedhu*.

¹³Iddoo lafa jalaa akka mana kootiitti yoon ilaale, siree koos dukkana keessa yoon dhaabadhe,

¹⁴boolla qilleetiin, ?Ati abbaa koo ti?, raammoodhaanis, ?Ati haadha koo ti yookiis obboleettii koo ti? yoon jedhe,

¹⁵egaa yoos abdiin koo meerree ree? Abdii koo kanas eenyutu arga ree?

¹⁶Inni gara karra iddoo lafa jalaatti gad in bu'aa ree? Walii wajjinis biyyoo keessa gad in linnaa ree?? jedhe.[61]