Read west central oromo Macaafa Iyoob 18 Bible Online

Macaafa Iyoob 18 - west central oromo bible

Macaafa Iyoob 18

¹Kana booddee Biildaad Shu'aahichi deebisee,

²?Ati yoom dubbattee fixxa? Irratti dubbannaatii mee itti yaadi!

³Maaliif akka horii marga dheeduutti lakkaa'amne? Ija kee durattis maaliif akka gowwaatti ilaalamne?

⁴Yaa Iyoob, isa dheekkamsa keetiin mataa of irraa cirtu, lafti sababii keetiif haa ontuu ree? Yookiis kattaan iddoo isaatii haa butatuu ree?

⁵?Ibsaan nama jal'aa in dhaama, arrabni ibidda isaas hin ibsu;

⁶ifni dunkaana isaa keessatti hin ibsu, ibsaan isaas isa irratti in dhaama*;

⁷humni tarkaanfii isaatii in laafa, malli inni qopheesses isa in gufachiisa;

⁸miilli isaa kiyyootti isa in galcha, boolla keessatti qabamu irras in adeema;

⁹futtaasaan koomee isaa in qabata, meendoonis jabeessee isa in qaba;

¹⁰funyoon itti furga'ee isa qabu lafa keessa in dhokfame; futtaasaanis karaa irra in kaa'ameef;

¹¹wanti nama naasisu karaa hundumaa isa in sodaachisa, isa duukaa bu'ees isa in ari'a*;

¹²humna isaa beelli in dadhabsiisa, badiifnis qophaa'ee isa in eeggata.

¹³Dhukkubni gogaa dhagna isaatii in fixa; dhukkubni sodaachisaanis harka isaa fi miilla isaa in nyaata*;

¹⁴dunkaana isaa isa amanatee keessa taa'u keessaa in buqqifama, gara mootummaa du'aattis in geeffama;

¹⁵kan isaa kan hin ta'inis dunkaana isaa keessa in jiraata, qe'ee isaa irras dhagaan boba'u in firfirfama.

¹⁶Jalaa hiddi isaa in goga, irraa immoo damoonni isaa in coollagu;

¹⁷seenaan isaa lafa irraa in bada, mandara keessaas maqaan isaa waan ittiin beekamu hin qabu*;

¹⁸inni ifa keessaa dukkanatti in darbatama, biyya lafaa keessaas ari'amee in baafama.

¹⁹Saba isaa gidduudhaa dhala yookiis sanyii hin qabu, iddoo inni jiraachaa tures kan baraarameef hin jiru*.

²⁰Warri lixa-biiftuu wanta isa irra ga'e dhaga'anii na'anii in dinqifatan; warra ba'a-biiftuus naasuutu qabate.

²¹Eyyee! Qe'een warra Waaqayyo malee jiraatanii, iddoon nama Waaqayyoon hin beeknes akkas in ta'a? jedhe.[62]