Read west central oromo Macaafa Iyoob 19 Bible Online

Macaafa Iyoob 19 - west central oromo bible

Macaafa Iyoob 19

¹Yommus Iyoob deebisee,

²?Hamma yoomiitti lubbuu koo dhiphiftu? Hamma yoomiittis dubbiidhaan lafee koo cabsitu?

³Isin deddeebitanii na arrabsitan, isa dabaa ana irratti hojjettaniifis hin yeellaane.

⁴?Ani utuman dhuguma karaa irraa kaadheera ta'e iyyuu, balleessaa kootti anuma duwwaatu gaafatama;

⁵isin anatti yoo of gurguddiftan, rakkina anatti dhufe kanas sababii yoo godhattan,

⁶Waaqayyo anatti akka balleesse, kiyyoo isaas naannessee akka anatti xaxe beekaa!

⁷Ilaa, ?Humnaan ana irratti ka'e? jedhee yoon iyyadhe, deebii hin argadhu; yoon dhageessifadhes firdiin qajeelaan hin jiru*.

⁸Akkan hin darbineef karaa anatti cufeera, daandii koo irras dukkana dhaabeera*;

⁹inni ulfina koo ana irraa fuudhee, gonfoo koos mataa koo irraa buuseera.

¹⁰Karaa hundumaan na caccabse, anis badduu ba'eera; abdii koos akkuma mukaa buqqiseera*;

¹¹dheekkamsa isaa ana irratti bobeesse, akka diina isaattis na ilaale*;

¹²loltoonni isaa wal duukaa dhufanii, karaa anatti baafatanii, naannoo dunkaana kootii in buufatan.[63]

¹³?Inni obboloota koo anattii fageesse, warri ana beekanis orma akka anatti ta'an godhe*;

¹⁴aantiin koo anattii citaniiru, firoonni koo warri anatti dhi'aatanis na irraanfataniiru*;

¹⁵warri ani mana kootti keessumsiise na irraanfataniiru, xomboreewwan koos akka ormaatti na ilaalan, isaan birattis alagaan ta'e.

¹⁶Ani hojjetaa koo nan waame, inni garuu na jalaa in dide; afaanii baasee isa kadhachuun na barbaachise.

¹⁷Hafuurri koo haadha manaa kootti in xiraa'e, obbolaan koos ana irraa in baqatan.

¹⁸Ijoolleen illee na tuffatu, yommuun ka'u isaan ana irratti in dubbatu.

¹⁹Firoonni koo warri ani amanadhu hundinuu na ciigga'an, warri ani isaan jaalladhus ana irratti in ka'an;

²⁰gogaan koo foon kootti, lafee koottis in goge; foon ilkaan kootii duwwaatu iddoo jira*.

²¹Harki Waaqayyoo na rukuteeraatii, anaaf gaddaa, isin yaa firoota ko, anaaf gaddaa!

²²Akkuma Waaqayyo na ari'atu maaliif isinis na ari'attu? Isin amma iyyuu na kukkutattanii hin quufnee ree?[64]

²³?Maaloo, wanti ani dubbadhu kun caafamee, macaafatti utuu galfamee!

²⁴Maaloo, bara baraan akka yaadatamaniif, sibiilaa fi dilaliidhaan kattaa irratti utuu qirixamanii!

²⁵Furiin koo jiraataa akka ta'e, guyyaa booddeettis lafa irratti dhugaa baasuudhaaf akka inni ka'u ani beeka*.

²⁶Gogaan dhagna kootii ana irraa qunca'ee, foonis dhagna koo irra hin jiru yoo ta'e iyyuu, ani Waaqayyoon arguuf jira.

²⁷Ani ofii kootii isa nan arga; anumatu ija kootiin isa arga malee, kan biraa miti; ani garuu isa yaaduu irraa kan ka'e nan gaggabe*.

²⁸?Hundeen dubbichaa ana biratti waan argamuuf, isin immoo, nuyi maaliif isa ari'anna?? in jettu;

²⁹dheekkamsi, billaadhaan adabamuu waan fiduuf, isin ofii keessaniif billaa sana sodaadhaa! Firdiinis akka jiru beekaa!? jedhe.[65]