Read west central oromo Macaafa Iyoob 21 Bible Online

Macaafa Iyoob 21 - west central oromo bible

Macaafa Iyoob 21

¹Iyoob deebisee,

²?Wantan dubbadhu ba'eessa godhaa dhaggeeffadhaa! Kun jajjabina isin anaaf kennitan haa ta'u!

³Yeroo ani dubbadhu anaaf obsaa! Ergan dubbadhee booddee ga'isuu in dandeessu.

⁴?Ani nama nan komadhaa ree? Maaliifanis obsa hin dhabu ree?

⁵Na ilaalaatii raajefadhaa! Afaan keessanis qabadhaa!

⁶Ani waa'ee kanaa yommuun yaadadhu nan na'a, dhagni koos in hollata.

⁷?Warri jal'oonni maaliif jiraatu? Maaliif bara dheeraa jiraatanii dulloomu, humna godhachaas adeemu*?

⁸Ijoolleen isaanii utuma isaan jiranii, jabaatanii fuula isaanii dura in dhaabatu, dhalli isaaniis ija isaanii duratti in argamu;

⁹manneen isaanii sodaa tokko malee jiraatu, uleen Waaqayyoos isaan irra hin jiru;

¹⁰fincaan korommii isaanii in rimeessa malee, lafa hin bu'u; saawwan isaaniis in dhalu malee, hin gatatan;

¹¹mucoolii isaanii akka karra bushaayeetti gad in baasu, ijoolleen isaaniis in quruphisu;

¹²isaan dibbeedhaa fi maseenqootti sagalee ululleettis in gammadu*;

¹³isaan qananiitti bara isaanii in raawwatu, battalattis iddoo lafa jalaatti gad in bu'u.[70]

¹⁴?Isaan Waaqayyoon, ?Nuyi karaa kee baruu hin feenu, nu irraa fagaadhu!

¹⁵Nuyi akka isaaf hojjennuuf inni hundumaa danda'u eenyu? Yoo isa kadhanne immoo bu'aa maalii arganna?? in jedhu*.

¹⁶Kunoo, qabeenyi warra jal'ootaa harkuma isaanii keessa jira mitii ree? Mareen warra jal'ootaa ana irraa haa fagaatu*![71]

¹⁷?Kana keessaa immoo ibsaan isaanii hammam deddeebi'ee dhaama? Badiisis hammam deddeebi'ee itti dhufa? Waaqayyo dheekkamsa isaatiin dhiphina itti in fida*;

¹⁸isaan akka cidii qilleensa dura jiruu ti, akka habaqii bubbeen fuudhee adeemuu tis*.

¹⁹Waaqayyo gatii yakka namaa, ilmaan namichaatiif akka kaa'u dubbatameera; haa ta'u iyyuu malee, namichi akka baruuf, Waaqayyo gatii yakka isaatii isumatti in deebisa*.

²⁰Innumti badiisa ofii isaatii haa argu, xoofoo dheekkamsa isa hundumaa danda'uu keessaas haa dhugu!

²¹Erga barri isaa gabaabaadhumatti citee, waa'een maatii isaa warra hafanii maaltu itti tola ree?[72]

²²?Namni Waaqayyoon, isa warra iddoo gurguddaa irra jiraniif firdii kennu, barsiisuu in danda'aa ree?

²³Namni tokko utuu humna qabuu, jireenyi itti tolee nagaatti utuu jiraatuu,

²⁴dhagni isaa utuu gabbina qabuu, lafeewwan isaa keessas dhuk guutee utuu jiruu in du'a.

²⁵Namni tokko immoo, jireenyi itti hadhaa'ee, wanta gaarii ta'e tokko illee utuu hin mi'eeffatin, in du'a;

²⁶isaan lachuu du'anii biyyoo keessa in ciisu, raammoonis isaanitti in uffisa*.[73]

²⁷?Kunoo, ani yaada keessan beeka, akeeka isin gar-malee anatti akeektanis beeka;

²⁸isin, ?Manni nama guddaa meerree ree? Godoowwan warri jal'oonni keessa jiraatan meerree ree?? in jettu.

²⁹Namoota warra karaa adeeman takkaa hin gaafannee ree? Wanta isaan jedhanis hin fudhannee ree?

³⁰Akka namni jal'aan guyyaa badiisaatiif kaa'amee, hamma guyyaa dheekkamsaatti oolfame hin barree ree?

³¹Akka jireenya isaatii kan ijatti isatti himu, wanta inni hojjeteefis gatii isaa kan deebisuuf eenyu ree?

³²Yommuu inni gara iddoo awwaallaatti geeffame, awwaala isaatti eegduun in godhame.

³³Diddiq dachaa sana keessaa isatti in ho'a, namoonni baay'een isa booddee in adeemu, warri isa dura adeemanis lakkoobsa hin qaban.

³⁴Deebii isin anaaf kennitanoo sobaa, attamitti wanta waa'ee hin baafneen ofumaa na jajjabeessitu ree?? jedhe.