Read west central oromo Macaafa Iyoob 23 Bible Online

Macaafa Iyoob 23 - west central oromo bible

Macaafa Iyoob 23

¹Kana booddee Iyoob deebiseefii,

²?Aaduu keessa ba'ee yoon iyye iyyuu, rukuttaan isaa anatti cimee waan jiruuf, har'as immoo dhibeen koo hadhaa'aa dha.

³Lafan itti isa argu utuun beeke, gara teessoo Waaqayyoos utuun dhaqe,

⁴silaa dhimma koo isatti nan dhi'eeffadha, afaan koo guutees isatti nan dubbadha;

⁵ani wanta inni anaaf deebisu nan bara, wanta inni anaan jechuuf jirus nan hubadhan ture.

⁶Inni humna isaa isa guddaadhaan xiiqii naan qabataa ree? Waawuu, inni dhugumaan anaaf in dhaga'a.

⁷Namni qajeelaan Waaqayyo duratti in falmata, anas immoo Waaqayyo abbaan firdii koo raawwatee gad na dhiisa.

⁸?Kunoo, ani gara ba'a-biiftuutti yoon adeeme, inni achi hin jiru, gara lixa-biiftuus yoon dhaqe, isa hin argadhu;

⁹gara bitaatii inni in hojjeta, ani garuu isa hin argu; inni gara mirgaatti gara in gala, ani garuu isa arguu hin danda'u.

¹⁰Haa ta'u iyyuu malee, inni karaa koo in beeka, yeroo inni qoree na ilaaluttis akka warqeetti nan ba'a*.

¹¹Miilli koo jabaatee faana isaa duukaa bu'eera, karaa isaa qabadheera, isa irraas hin jal'anne.

¹²Abboommii afaan isaa keessaa ba'u irraa ani hin fagaanne, wanta inni dubbates yaadatti qabadheera*.[78]

¹³?Yaadni Waaqayyoo kophaa dha, eenyu iyyuu isa geddaruu hin danda'u; inni wanta barbaade in godha*.

¹⁴Inni wanta waa'ee kootiif murtoo godhe in raawwata, sanyiin akkasii akeeka isaa keessa baay'ee dha*.

¹⁵Kanaafis ani isa duratti nan na'a, yeroon waa'ee isaa yaadus nan sodaadha*.

¹⁶Waaqayyo laphe-laafessa na godhe, humna isaa isa hundumaa danda'uunis na naasise.

¹⁷Kana keessaa immoo ani dukkana sanaan, dukkana limixii isa fuula koo golguun calluma hin jechisiifamne.[79]