Read west central oromo Macaafa Iyoob 26 Bible Online

Macaafa Iyoob 26 - west central oromo bible

Macaafa Iyoob 26

¹Yommus Iyoob immoo deebisee,

²?Ati nama humna hin qabne maal maal gargaarte! Nama irreen isaa hin jabaatinis maal maal oolchite!

³Isa ogummaa hin qabne maal maal gorsite! Akeeka beekaas baay'iftee beeksifte!

⁴Ati eenyuu wajjin dubbatte? Hafuura eenyutuus afaan kee keessaa dubbate?

⁵?Ekeraan warra du'anii lafa jalaa, warra achi jiraatanii wajjin sodaadhaan in rom'isiifaman.

⁶Iddoon lafa jalaa Waaqayyo duratti qullaa in ta'a, lafti badiisaas golgaa hin qabu*.

⁷Waaqayyo golee gara bitaa lafa duwwaa irra in diriirse, biyya lafaa immoo homtuu utuu jala hin jiraatin in rarraase.

⁸Duumessa isaa isa gobbuu keessatti bishaan in ittisa, duumessichis bishaanicha jalaa hin tarsaane.

⁹Inni duumessa isaa irra diriirsee, fuul dura teessoo isaa in dhoksa.

¹⁰Ifaa fi dukkana gargar baasuudhaaf, inni irra-bishaanii irratti naannessee daarii godheera*;

¹¹utuboonni bantii waaqaa in rom'u, yeroo inni ifatus na'anii of in wallaalu;

¹²inni irree isaatiin galaana gab godhe, hubannaa isaatiinis Rahaab jawwee galaanaa sana in rukute*;

¹³qilleensa isaatiin bantii waaqaa in qulleesse, harki isaas bofa baqachaa jiru in waraane.

¹⁴Kunoo, isaan kun fiixee hojii isaa tii, isa nuyi waa'ee isaaf hasaasa xinnoo hammamii dhageenyu duwwaa dha; kakawwee humna isaa garuu eenyutu hubata ree?? jedhe.[86]