Read west central oromo Macaafa Iyoob 28 Bible Online

Macaafa Iyoob 28 - west central oromo bible

Macaafa Iyoob 28

¹Dhuguma boolli meetii keessaa qotan, lafti warqee itti baqsanis jira.

²Sibiilli lafa keessaa in baafama, sibiilli diimaanis gordana keessaa in yaafama*.

³Namni hamma golee, daarii dukkanaatti in adeema, gordana, gaaddisaa fi dukkana limixii keessaa barbaaduufis, hamma dhuma isaatti in fonqolcha;

⁴namoonni lafa namni jiraatu irraa fagaatanii, iddoo miilli kara-adeemaa achi irra ba'uu dhiisetti, qaawwa ittiin gad lixan qotatanii, nama irraa fagaatanii rarra'anii, asii fi achi in furduddaa'u.

⁵Lafa keessaa nyaatatu ba'a, jala isaatii immoo wanta akka ibiddaatu ol gara gala.

⁶Gordana isaa keessaa Safiirostu ba'a, biyyoon isaas daakuu warqee of keessaa qaba.

⁷Karaa sana allaattiin fooniin jiraatu hin beeku, iji culullees isa hin argine.

⁸Bineensonni surraa qaban achi hin ejjenne, leencis achiin hin darbine.[90]

⁹?Namni harka isaatiin kattaa jabaa in cabsa, tullootas hundeedhaan gara in galcha.

¹⁰Inni dhagaa keessa qotaa in baasa, iji isaas wanta gati-jabeessa hundumaa in arga.

¹¹Ijoon burqituu akka hin lolaafneef in ittisa, wanta dhokataa immoo bakkeetti in baasa.

¹²?Garuu ogummaan eessatti argama? Iddoon hubannaas eessa?

¹³Ogummaan biyya namoonni jiraatan keessatti hin argamu, namnis gatii isaa hin beeku.

¹⁴Callabboon, ?Ogummaan ana keessa hin jiru? jedha, galaannis, ?Ana biras immoo hin jiru? jedha.

¹⁵Inni warqee qullaa'aadhaan hin argamu, gatiin isaas meetiidhaan hin safaramu.

¹⁶Gatiin isaa warqee Ofiiriin, Sardoniikis isa gati-jabeessaan yookiis Safiirosiin hin shallagamu.

¹⁷Warqeenii fi of-ilaaleen ittiin hin qixxaatu, mi'i warqee qullaa'aas geddaraa isaa hin ta'u.

¹⁸Gatiin ogummaa callee gati-jabeessa irra, elellaan diimaa irras in caala'o;

¹⁹inni ?Xophaaziyon? isa jedhamu isa kan Itiyoophiyaatti hin fakkeeffamu, warqee qullaa'aadhaanis gatiin isaa hin shallagamu*.[91]

²⁰?Egaa ogummaan eessaa dhufa ree? Iddoon hubannaas eessa ree?

²¹Inni ija warra jiraatanii hundumaa duraa dhokateera, simbirroota qilleensa keessa balali'an duraas miliqeera.

²²Iddoon badiisaa fi duuni, ?Nuyi oduu isaa duwwaa gurra keenyaan dhageenye? in jedhu.

²³Waaqayyo karaa ogummaatti geessu in hubata, iddoo isaas isuma duwwaatu beeka.

²⁴Inni lafa hamma dhuma isaatiitti waan ilaaluuf, wanta bantiiwwan waaqaa jala jiran hundumaa in arga.

²⁵Qilleensa miijanaan, bishaanotas qodaadhaan yeroo safare*,

²⁶bokkaadhaaf seera, balaqqeessa kakawweefis karaa yommuu baase*,

²⁷yommus inni ogummaa ilaalee, ibsa itti in kenne; cimsee isa dhaabe, qoree isa ilaales.

²⁸Namaan immoo, ?Kunoo, Waaqayyoon sodaachuun ogummaa dha, waan hamaa irraa goruunis hubannaa dha?? jedhe*.[92]