Read west central oromo Macaafa Iyoob 29 Bible Online

Macaafa Iyoob 29 - west central oromo bible

Macaafa Iyoob 29

¹Iyoob dubbii isaa isa yaada gad fagoo of keessaa qabu sana ammas itti fufee,

²?Maaloo, ani akka ji'oota darbanii, isa akka bara Waaqayyo na eegaa turee utuun ta'e*!

³Yeroo ibsaan isaa mataa koo irratti ifee, dukkana keessas ani ibsaa isaatiin adeeme*,

⁴bara koo isa guutuu sanatti, yeroo eegumsi Waaqayyoo godoo koo irra ture,

⁵yeroo inni hundumaa danda'u anaa wajjin ture, yommuu ijoolleen koo na marsanii turan,

⁶yeroo ani qabeenya keessa ba'ee itittuudhaan faana koo dhiqadhe, yommuu kattaan dhadhaa ejersaa anaaf yaase*,[93]

⁷?Yeroo ani gara karra kellaatti ba'e, yommuun lafa wal ga'ii sanatti taa'umsa koo qopheeffadhe,

⁸dargaggoonni na arganii karaa irraa goran, jaarsoliinis ka'anii in ijaajjan*;

⁹gurguddoonni dubbii afaanitti qabatan; harka isaaniitiinis afaan isaanii qabatan.

¹⁰Sagaleen dura-buutotaa cal jechisiifame; arrabni isaaniis laagaa isaaniitti in maxxane.

¹¹Gurri na dhaga'e, ?Baga gammadde!? naan jedhe, iji na arges anaaf dhugaa ba'e.

¹²Ani hiyyeessa iyyatu, isa abbaan irra hin jirre gargaarsa hin qabnes fureera'o*.

¹³Namni du'uuf jedhe na eebbiseera, dubartii abbaan manaa irraa du'es garaan ishee akka ililchu godheera.

¹⁴Ani qajeelummaa akka uffataatti nan uffadhe, innis anatti uffifame; firdiinis akka qoloo fi akka marata mataa ture*.

¹⁵Ani warra jaamotaaf ija, warra naafotaafis miillan ture*;

¹⁶ani isa deegaadhaaf abbaan ture, dhimma nama ani hin beeknees duukaa bu'ee nan baasaafan ture*;

¹⁷ani qarriffaa nama jal'aa cabse, isa inni qabate qaaruu isaa keessaa buuseera*.[94]

¹⁸?Yommus ani yaada kootti, ?Bara koo akka cirrachaa nan baay'ifadha, godoo koo keessattis nan du'a;

¹⁹hiddooliin koo yaa'anii bishaan bira in ga'u, halkan guutuus fixeensi damoota koo irra in buufata*;

²⁰ulfinni koo akkuma haaraa ta'etti in hafa, iddaan koos harka koo keessatti in haareffama? nan jedhe*.[95]

²¹?Namoonni eeggatanii na dhaggeeffatan, gorsa koo dhaga'uufis calluma jedhan.

²²Erga ani dubbadhee, isaan hin dubbanne; dubbiin koo immoo gurra isaaniitti cophe.

²³Isaan akka nama bokkaa eeggatuutti, akka nama bokkaa arfaasaa eeggatuuttis, afaan isaanii bananii na eegattan.

²⁴Yeroo isaan amanuu dadhabanitti ani isaanitti nan kolfe; isaan fuula koo isa ifaas lafa hin ilaalchifne.

²⁵Ani karaa isaaniif fo'ee, akka dura-buutuutti nan taa'e; akka mootii loltuu isaa gidduu jiruutti, akka isa warra gaddan jajjabeessuttis nan jiraadhe.