Read west central oromo Macaafa Iyoob 3 Bible Online

Macaafa Iyoob 3 - west central oromo bible

Macaafa Iyoob 3

¹Iyoob afaan isaa saaqqatee, guyyaa dhaloota isaa in abaare.

²Iyoob dubbatee,

³?Guyyaan ani itti dhaladhe haa balleeffamu! Halkan itti, ?Ilmatu garaatti hafe? jedhame sunis haa balleeffamu*!

⁴Guyyaan sun dukkana haa ta'u! Waaqayyo waaqa irraa gad isa hin ilaalin, ifnis isa irratti hin ifin!

⁵Halkanii fi dukkanni sodaachisaan, ?Ati kan keenya? isaan haa jedhan! Duumessi isa irra haa buufatu! Dukkanni guyyicha dukkaneessu, isa haa naasisu![8]

⁶?Halkanicha dukkanni limixiin haa qabatu! Guyyoota waggaa keessatti hin dabalamin! Lakkoobsa ji'aattis hin galin!

⁷Halkan sun maseena haa ta'u! Isattis ililleen hin dhaga'amin!

⁸Warri guyyaa abaaran, warri Lewaataanin kaasuudhaaf qophaa'anis halkan sana haa abaaran!

⁹Urjoonni dimimmisa gaafasii ba'an haa dukkanaa'an! Halkan sun ifa haa eeggatu, garuu isa hin argatin! Boruu baqaqus hin argin!

¹⁰Innoo balbala gadameessa haadha kootii hin cufne, rakkinas ija koo duraa hin dhoksine.

¹¹?Maaliifan gadameessa keessatti hin du'in! Gadameessa keessaa yommuun ba'es maaliifan badduu hin ba'in?

¹²Gudeedi haadha kootii maaliif na baate? Harma ishees maaliifan hodhe?

¹³Silaa yoona kana calluma jedhee nan ciisa, rafees nan boqodhan ture;

¹⁴moototaa fi gorsitoota lafaa, warra iddoowwan isaan ijaarratanii turan duraa diigamanii wajjin,

¹⁵gurguddoota biyyaa warra warqee qaban, warra manneen isaanii keessa meetiin guutee ture wajjin nan boqodhan ture.

¹⁶Yookiis maaliifan akka isa du'ee garaadhaa ba'ee balleeffamee, akka daa'imota raawwatanii ifa hin argin hafanii hin ta'in*?

¹⁷Achitti namoonni jal'oonni gooluu isaanii in dhiisu, kan dadhabanis achitti in boqotu;

¹⁸warri booji'aman achitti walii wajjin nagaa qabu, sagalee warra humnaan isaan hojjechisanii achitti hin dhaga'an;

¹⁹xinnaa fi guddaan achi jira, garbichi harka gooftaa isaatii jalaa ba'eera*.[9]

²⁰?Maaliif warra rakkina keessa jiraniif ifni, warra jireenyi itti hadhaa'eefis jireenyi kennama?

²¹Warra du'a eeggannaan, warra badhaadhummaa dhokfame qotanii barbaadan caalaattis du'a barbaannaan, isaaniif dhufuu dideef*,

²²warra awwaala bira yommuu ga'an, sagalee gammachuu dhageessisanii baay'ee gammadaniif,

²³nama karaan jalaa dhokfameef, nama Waaqayyo naannessee karaa itti cufeef, maaliif jireenyi kennamaaf*?

²⁴Gaddi koo akkuma buddeenaa anaaf dhufa, aadnaan koos akkuma bishaanii dhangala'a*.[10]

²⁵?Wanti ani sodaadhe ana irra ga'e, wanti ana naasisu anatti dhufe;

²⁶ani raafama duwwaa malee nagaa hin qabu, gabii hin qabu, boqonnaas hin qabu? jedhe.