Read west central oromo Macaafa Iyoob 31 Bible Online

Macaafa Iyoob 31 - west central oromo bible

Macaafa Iyoob 31

¹?Ani ija kootii wajjin kakuudhaan walii galeera, egaa attamittan ija hawwaatiin gara durbaa ilaala ree*?

²Gubbas Waaqayyo biraa qoodni namaa maali? Gara irraa sanaas isa hundumaa danda'u biraa dhaalli namaa maali?

³Badiifni warra jal'ootaaf, adabni jabaanis warra irra-daddarbaa hojjetaniif mitii ree*?

⁴Waaqayyo karaa koo hin arguu ree? Tarkaanfii koo hundumaas hin lakkaa'uu ree*?

⁵Sobaan adeemeera yoon ta'e, miilli koos gowwoomsaatti ariifatee yoo jiraate,

⁶balleessaa dhabuu koo akka beekutti, Waaqayyo madaalii qajeelaatiin ana haa miijanu!

⁷Faanni koo karaa irraa jal'ateera yoo ta'e, garaan koo ija koo duukaa bu'eera yoo ta'e, harka koottis cubbuun qabateera yoo ta'e,

⁸wanta ani facaase namoonni biraa haa nyaatan, inni anaaf biqiles haa buqqa'u*![100]

⁹?Garaan koo dubartiidhaan sossobamee yoo jiraate, balbala namaa ciisee haadha manaa isaa eeggadhee yoon jiraadhe*,

¹⁰haati manaa koo nama biraaf haa daaktu, namni biraas ishee wajjin haa ciisu*!

¹¹Wanti kun yeellaasisaa dha, abboota firdii durattis yakka adabsiisuu dha*;

¹²kun ibidda gubee xaph godhuu dha, biqiltuu koo hundumaa hamma hiddaati gad in guba.[101]

¹³?Hojjetaan koo yookiis hojjettuun koo anaa wajjin komee qabaatanii, dubbii isaan dhi'eeffatan tuffadheera yoon ta'e*,

¹⁴yommuu Waaqayyo firdiidhaaf ka'u, ani maal gochuufan jira ree? Yommuu inni na gaafatus maalan isaaf deebisa ree?

¹⁵Isuma garaa haadha koo keessatti na uumetu isaan uume mitii ree? Gadameessa keessattis kan nu tolche isuma mitii ree*?[102]

¹⁶?Hiyyeessota waan isaan hawwan dhowwadhee yoon jiraadhe, dubartii abbaan manaa irraa du'es waa dhabdee boo'uu isheetiin iji ishee akka dadhabu godheera yoon ta'e*,

¹⁷ani huraa buddeena kootii nama dhowwadhee yoon jiraadhe, isa abbaan irraa du'eenis hin geenye yoon ta'e,

¹⁸inni abbaan irraa du'e sun dargagummaa kootii jalqabee akka nama abbaa biratti guddateetti ana biratti guddate, ani immoo erguma inni garaa haadha isaatiitii ba'es, isa nan gorsa.

¹⁹Ani nama uffata dhabee du'uuf jedhu, yookiis hiyyeessa waan of irra buusu hin qabne yommuun arge,

²⁰uffata rifeensa hoolaa kootii irraa hojjetame itti uffifnaan, itti ho'ee garaan isaa ana hin eebbifne yoo ta'e*,

²¹karra kellaa mandaraa duratti dubbadhee dhageessifachuu koo beeke, isa abbaan irraa du'etti harka koo ol fudhadheera yoon ta'e,

²²ceekuun koo gatiittii koo wajjin wal haa gad-dhiisu! Harki koos buusaa isaatti haa cabu!

²³Dha'ichi Waaqayyo biraa anatti dhufe waan na naasiseef, sodaa surraa isaa irraa kan ka'e waan tokko gochuu hin dandeenye*.[103]

²⁴?Ani warqee abdii koo godhadhee, warqee qullaa'aadhaanis, ?Amanannaa koo ti? jedhee yoon jiraadhe*,

²⁵badhaadhummaan koo guddaa waan ta'eef, harki koos baay'ee waan argateef gammadee yoon jiraadhe,

²⁶yeroo aduun ibsitutti, yeroo ji'i ulfinaan adeemtuttis isaaniif sagaduudhaaf gara isaanii ilaaleera yoon ta'e*,

²⁷garaan koo dhoksaadhaan gowwoomfamee, ulfina isaaniif harka koo dhungadheera yoon ta'e,

²⁸ani gubasitti Waaqayyo duratti sobduu nan ta'an ture, kunis yakka namatti farachiisu in ta'a.[104]

²⁹?Ani badiisa nama na jibbuutti gammadee, hamaan yeroo isa argatettis ol of qabee yoon jiraadhe*,

³⁰lubbuu isaa irratti qorobuudhaan, afaan koo cubbuu akka dubbatu godheera yoon ta'e*,

³¹namni mana kootii, ?Buddeena isaa nyaatee kan hin quufin eenyutu jira?? hin jenne yoo ta'e*,

³²ani warra kara-adeemtuudhaaf illee balbala koo nan bane malee, keessummaan karaa keessa hin bulle*;

³³ani yakka koo garaa keessa dhokfachuudhaan, akka namoota warra kaanii irra-daddarbaa koo haguugee yoon jiraadhe,

³⁴tuuti baay'een ana haa sodaachisu, ceephoon qomoos ana haa naasisu! Yommus calluma nan jedha, manaas gad hin ba'u.[105]

³⁵?Maaloo, utuun nama anaaf dhaga'uu qabaadhe, kun fiirmaa koo ti, inni hundumaa danda'u anaaf haa deebisu! Hadheessa sana immoo maaloo caaffataan utuun argadhee*!

³⁶Silaa ani dhuguma gatiittii koo irratti isa nan baadha, akka gonfoottis nan kaa'adhan ture;

³⁷ani lakkoobsa tarkaanfii koo hundumaa isatti nan hima, akka guddaa biyyaattis isatti nan dhi'aadha;

³⁸lafti koo yoo ana irratti iyye, bo'oowwan isaas wal ga'anii yoo ba'an,

³⁹ani ija inni kennu tola nyaadhee, abbaan lafichaas akka du'u godhee yoon jiraadhe,

⁴⁰qooda qamadii qoraattiin, qooda garbuus tuufoon haa biqilu!? jedhe. Dubbiin Iyoob as irratti in raawwatame.[106]