Read west central oromo Macaafa Iyoob 32 Bible Online

Macaafa Iyoob 32 - west central oromo bible

Macaafa Iyoob 32

¹Egaa Iyoob, ?Ani nama qajeelaa dha? waan ofiin jedhuuf, jarreen kun sadan isaaf deebii deebisuu in dhiisan.

²Eliihuun ilmi Baaraakel Buzichaa inni qomoo Raam keessaa, sababii Iyoob Waaqayyoon qajeelaa gochuu irra ofii isaa qajeelaa of godheef isatti aaree in boba'e*.

³Firoonni Iyoob sadanis Iyoobumatti faraduu malee, deebii ga'u waan dhabaniif, isaanittis aaree in boba'e*.

⁴Isaan hundinuu angafoota isaa waan turaniif, Eliihuun hamma Iyoob dubbatee raawwatutti in eege.

⁵Afaan jarreen kana sadanii keessa deebiin akka hin jirre yommuu arge aaree in boba'e.[107]

⁶Kanaaf Eliihuun ilmi Baaraakel Buzichaa deebisee, ?Ani ijoollee dha, isin garuu baay'ee dulloomtaniittu; kanaafan waanan beeku isinitti mul'isuu sodaadhee of qabe;

⁷ani, ?Waggoonni in dubbatu, barri baay'eenis ogummaa nama barsiisu? jedheen ture*.

⁸Garuu hafuura isa nama keessa jiru, hafuura isa inni hundumaa danda'u itti baafatetu hubannaa namaaf kenna*.

⁹Ogummaan gurgudataniif miti, wanta qajeelaa ta'e hubachuunis dulloomaniif miti.[108]

¹⁰?Kanaafis, ?Ana, dhaggeeffadhaa! Anis waanan beeku nan mul'isa!? nan jedhe.

¹¹Kunoo, ani hamma isin dubbattanii raawwattanitti nan eege; yommuu isin itti yaaddanii dubbattanis, sababii isin laattan nan dhaggeeffadhe*.

¹²Ani ba'eessa godhee isin dhaggeeffadheera, garuu isin keessaa namni Iyoobin balleessaa isaa amansiise, namni dubbii isaatiif deebii kenneefis hin turre.

¹³Isin, ?Nuyi ogummaa arganneerra, isa immoo Waaqayyotu of irraa deebisa malee, nama miti? akka hin jennetti,

¹⁴Iyoob dubbii isaa tarree galchee anatti hin dubbanne, anis dubbii keessaniinan deebii isaaf kenna miti.[109]

¹⁵?Isaan na'anii walii wallaalaniiru, si'achis deebii hin deebisan, dubbiin isaan harkaa badeera.

¹⁶Egaa sababii isaan hin dubbanneef, sababii isaan deebii deebisan dhabanii dhaabataniif, ani isaan eeguu ree?

¹⁷Anis immoo qooda koo deebii nan deebisa, waanan beekus nan mul'isa.

¹⁸Ani wantan dubbadhu baay'een qaba, hafuurri na keessa jirus na tuttuqa;

¹⁹garaan koo akka daadhii waynii maragamee ti, akka qalqala buufaa warra sibiila tumu isa bokokaa ti*;

²⁰akkan furamuuf nan dubbadha, afaan koo saaqqadhees deebii nan deebisa,

²¹ani nama tokkoof iyyuu hin loogu, nama tokkottis hin kuulu!

²²Ani namatti kuuluu hin beeku, Silaa'oo uumaan koo dafee na balleessa ture*.[110]