Read west central oromo Macaafa Iyoob 33 Bible Online

Macaafa Iyoob 33 - west central oromo bible

Macaafa Iyoob 33

¹?Amma garuu yaa Iyoob waanan jedhu dhaga'i! Dubbii koo hundumaas dhaggeeffadhu!

²Kunoo, ani amma afaan koo nan saaqqadha, arraba kootiinis nan dubbadha.

³Dubbiin koo gara-qajeelina koo irraa ka'a, afaan koos beekumsa mul'isee in dubbata.

⁴Hafuurri Waaqayyoo na uumeera, hafuurri inni hundumaa danda'u anatti baafate sunis ana in jiraachisa*.

⁵Egaa, yoo dandeesse deebii anaaf kenni, wanta dubbattu qopheeffadhuutii ana dura dhaabadhu!

⁶Kunoo, ani Waaqayyo duratti akkuma kee ti, anis suphee irraan hojjetame*;

⁷kunoo, ana sodaachuun si hin naasisu, harki koos sitti hin ulfaatu![111]

⁸?Dhuguma ati utuman si dhaga'uu dubbatteetta, anis dubbicha dhaga'eera;

⁹?Ani xuraa'ummaa hin qabu, irra-daddarbaas hin qabu, qullaa'aa dha, yakkis ana irra hin jiru*;

¹⁰garuu Waaqayyo immoo karaa ittiin naan mormu in argata, akka diina isaattis na lakkaa'a*.

¹¹Inni miillan koo jirma ulfaataa gidduu galchee, tarkaanfii koo hundumaas in eega? in jetta*.[112]

¹²?Kunoo, kana irratti dhugaa akka ati hin qabne, sitti nan hima, Waaqayyo nama caalaa guddaa dha.

¹³?Waaqayyo dubbii namaa hundumaaf deebii hin kennu? jettee, ati maaliif isaan morkatta*?

¹⁴Namni isa hubatu hin jiru yoo ta'e iyyuu, Waaqayyo karaa tokko, karaa lamas in dubbata.

¹⁵Utuu namoonni siree isaanii irraa muganii, abjuudhaan, mul'ata halkaniitiin, hirribni ulfaataan yeroo isaan qabatu*,

¹⁶yommus inni gurra isaaniitti in dubbata adabaanis isaan in naasisa*.

¹⁷Kunis nama hojii isaa isa hamaa irraa deebisuudhaaf; of bokoksuu irraas isa eeguudhaaf;

¹⁸lubbuun isaa boolla akka hin linne, jireenyi isaas billaadhaan akka hin badne oolchuudhaaf.

¹⁹Namni siree isaa irrattis dhukkubaan, dhukkuba jabaa isa yeroo hundumaa lafee isaa keessaa isa nyaatuun in adabama*.

²⁰Jireenyi isaa buddeena, garaan isaas nyaata hawwisiisaa in ciigga'a;

²¹foon isaa guutummaatti irraa in dhuma, lafeewwan isaa warri dur hin mul'annes bakkeetti in yaa'u*.

²²Lubbuun isaa gara boollaatti, jireenyi isaas gara ergamaa du'aatti in dhi'aata.[113]

²³?Ergamoota kuma keessaa inni tokko, gidduu dhaabatee afaan yoo hiike, wanta namni gochuun irra jirus yoo yaadachiise,

²⁴faara itti tolee, ?Ani isaaf furee argeera, boollatti gad bu'uu isa oolchi*!

²⁵Dhagni isaa kan saafelaa caalaatti haa haara'u! Akka bara dargaggummaa isaattis haa deebi'u!? yoo jedhe*,

²⁶yommus namni Waaqayyoon in kadhata, akka inni sagalee gammachuu dhageessisaa fuula isaa arguttis, Waaqayyo isatti in gammada; qajeelina isaas iddootti in deebisaaf*.

²⁷Namoota warra kaan duratti faarfatee, ?Ani cubbuu hojjedheera, qajeelummaas micciireera, Waaqayyo garuu akkasitti anaaf hin deebifne*;

²⁸inni lubbuu koo gara boollaa dhaquu oolcheera, jireenyi koos ifa in arga? in jedha.[114]

²⁹?Kunoo, Waaqayyo irra deddeebisee, kana hundumaa namaaf in godha.

³⁰Ifni jireenyaa isa irratti akka ibsuuf, lubbuu namaa deebisee boolla keessaa in baasa*.[115]

³¹?Yaa Iyoob, yaadaan qabii na dhaggeeffadhu, ani nan dubbadha, ati calluma jedhi!

³²Wanta jettu yoo qabaatte anaaf deebisi, ani dhugaa siif galchuu nan barbaada, dubbadhu!

³³Kanaa'achi immoo calluma jedhii na dhaggeeffadhu, ani ogummaa sin barsiisa!? jedhe.