Read west central oromo Macaafa Iyoob 35 Bible Online

Macaafa Iyoob 35 - west central oromo bible

Macaafa Iyoob 35

¹Eliihuun itti dabalee,

²?Inni ati, ?Waaqayyo duratti ani qajeelaa dha? jettu kun, dubbii dhugaa sitti fakkaataa ree*?

³Atoo, ?Bu'aa maaliin keessaa argadha? Cubbuu dhiisuu kootiin maalan caalaa waa'ee baafadha?? in jetta*.[123]

⁴?Isa kanaaf immoo ani, siif, firoota keefis deebii nan kenna*;

⁵gara waaqaatti ol ilaali! Kunoo, duumessoonni si gara irraa jiran hammam akka ol fagaatan yaadaan qabi*!

⁶Ati cubbuu yoo hojjette isa irratti maal fida? Irra-dadarbaan kee yoo baay'ates maal isa godha*?

⁷Ati qajeelaa yoo taate isaaf maal laatta? Harka kee keessaas inni maal fudhata?

⁸Jal'inni kee nama akka keetii in miidha, qajeelinni kee immoo ilmaan namootaaf dhimma in baasa.[124]

⁹?Sababii cunqurfamuun baay'ateef namoonni in iyyu; sababii irree isa jabaatiifis gargaarsaaf in iyyatu.

¹⁰Garuu eenyu illee, ?Waaqayyo uumaan koo, inni halkan namni akka isa faarfatu godhu, eessa jira?

¹¹Inni bineensota lafaa caalaatti nu barsiisu, simbirrootaa fi allaattota qilleensa keessa balali'an caalaas, ogeessota nu godhu eessa jira?? hin jenne.

¹²Achitti namoonni in iyyu, inni garuu sababii of bokoksuu warra hamaa godhaniitiif, isaaniif hin deebisu!

¹³Waaqayyo dhugumaan iyyata akkasumaanii hin dhaga'u, inni hundumaa danda'us gara isaa hin mil'atu*.

¹⁴Egaa yeroo ati, ?Isa hin argu? jettu immoo, hammam kanaa gad haa ta'u ree? Dhimmi kee isa dura jira, isuma eeggadhu*!

¹⁵Ammas immoo inni akkuma aaretti waan hin adabneef, gowwummaas waan guddaatti waan hin lakkoofneef,

¹⁶Iyoob dubbii waa'ee hin baafneen afaan isaa saaqqata, beekumsa malees dubbii in baay'isa? jedhe.[125]