Read west central oromo Macaafa Iyoob 36 Bible Online

Macaafa Iyoob 36 - west central oromo bible

Macaafa Iyoob 36

¹Eliihuun ittuma fufee Iyoobitti dubbatee,

²?Ani waa'ee Waaqayyoof amma illee waanan dubbadhu akkan qabu sitti nan himaatii, xinnoo ishee anaaf obsi!

³Ani beekumsa koo fagoodhaa nan fida, ?Qajeelummaanis kan uumaa kootii ti? jedhee nan lakkaa'a;

⁴dubbiin koo dhuguma, soba miti, nama, isa beekumsatti hir'ina hin qabnetu sii wajjin jira.

⁵?Kunoo, Waaqayyo aango-qabeessa, namas hin tuffatu, humni hubannaa isaatii baay'ee jabaa dha;

⁶inni jal'oota fayyaatti hin jiraachisu, warra rakkataniif garuu wanta qajeelaa in kenna*;

⁷ija isaa warra qajeelota irraa hin buqqifatu, moototaa wajjin teessoo irra isaan teessisa, bara baraanis ol ol isaan in qaba*.

⁸Namoonni funcaadhaan utuu hidhamanii, funyoo rakkinaatiinis jabeeffamanii utuu qabamanii,

⁹yommus inni hojii isaanii fi irra-daddarbaa isaanii, isa isaan of bokoksanis isaanitti in hima.

¹⁰Gorsa akka dhaga'aniif gurra isaanii in banaaf, yakka isaanii irraas akka deebi'aniif isaan in abbooma*.

¹¹Isaan isa dhaga'anii isaaf yoo hojjetan, bara isaanii gaariitti, waggoota isaaniis akkuma isaanitti tolee jirutti in raawwatu.

¹²Isa dhaga'uu yoo didan garuu, isaan billaadhaan in balleeffamu, wallaalummaa isaaniitiinis in dhumu.[126]

¹³?Warri Waaqayyo malee jiraatan, aarii garaa keessa kaa'atu, yeroo inni isaan adabuttis gargaarsaaf hin iyyan.

¹⁴Isaan ijoollummaatti in du'u, jireenyi isaaniis dhiirota galma keessatti ejjaaf qophaa'anii taa'an gidduutti in bada.

¹⁵Inni warra rakkatoo rakkina isaaniittii in fura, cunqursuudhaanis gurra isaanii in bana*.[127]

¹⁶?Akkasumas gidiraa isa afaan sitti banu keessaa, gara iddoo bal'aa lafa wal rakkisuun hin jirretti si baasa; nyaanni maaddii keetti dhi'aatus coomni kan keessa guute in ta'a*.

¹⁷Ati garuu firdii warra jal'ootaaf ta'u guuttatteetta, kanaafis hadheessi firdii qajeelaa si qabateera.

¹⁸Eenyu illee badhaadhummaadhaan akka si hin sossobnetti, gabbarsuu guddaanis karaa irraa akka si hin jal'ifnetti of eeggadhu!

¹⁹Soorumni kee yookiis jabinni humna kee, rakkina keessaa si hambisuu danda'aa ree?

²⁰Ati halkanicha isa itti, sabni warri kaan iddoo isaaniitii dhabaman hin hawwin!

²¹Rakkachuu irra yakkuu waan fo'atteef, rakkinaan qoramaa jirta; kanaaf gara yakkuutti akka gara hin galle of eeggadhu![128]

²²?Kunoo, Waaqayyo humna isaatiin ol ol kaafameera, barsiisaan akka isaatii eenyu ree?

²³Eenyutu Waaqayyoon, ?Karaan kee isa kana haa ta'u!? yookiis eenyutu, ?Ati balleessaa hojjette? isaan jedha ree*?

²⁴Ati immoo hojii isaa isa namoonni jajatan, guddaa akka ol kaaftuuf yaadadhu!

²⁵Namoonni hundinuu hojii isaa arganiiru, fagoottis ija irraa hin buqqifatan.

²⁶Kunoo, Waaqayyo guddaa dha, garuu nuyi guddina isaa hin hubannu; lakkoobsi bara isaatiis kan hin qoratamnee dha*.[129]

²⁷?Inni copha bishaanii ol in harkisa, hurrii keessaas bokkaa in baasa.

²⁸Duumessoonni isa gad in cocophsu, namootaafis baay'isanii gad in roobsu.

²⁹Namni tokko illee akka duumessi itti diriiru, akka itti kakawween duumessicha isa akka golgaa sana keessaa qaqqawessa'us in hubataa ree*?

³⁰Kunoo, Waaqayyo naannoo isaatti bakakkaa isaa in bittimsa, hundee galaanaas in golga.

³¹Inni akkasitti saba hundumaa in jiraachisa, wanta nyaatanis baay'inatti in kennaaf*.

³²Inni bakakkaa harkatti maratee, lafa akeeka isaa akka inni rukutuuf in abbooma.

³³Qaqqawessa'uun isaa dhufa bakakkaa sanaa in beeksisa, horiin qe'ee iyyuu dhi'aachuu isaa in hima.[130]