Read west central oromo Macaafa Iyoob 37 Bible Online

Macaafa Iyoob 37 - west central oromo bible

Macaafa Iyoob 37

¹?Kana irratti lapheen koo in dha'ate, iddoo isaatiis in utaale;

²sagalee isaa isa qaqqawessa'u yaadaan qabaa, xirqansuu afaan isaa keessaa ba'us dhaggeeffadhaa*!

³Inni guutummaa bantii waaqaa jala, bakakkaa isaas hamma andaara lafaatti gad in dhiisa*;

⁴isa booddeedhaan sagaleen xirqansuu isaatii in dhaga'ama, sagalee isaa isa surra-qabeessaanis in qaqawweessa'a; yeroo sagaleen isaa dhaga'amutti homtuu bakakkaa sana hin ittisu.

⁵Akki itti Waaqayyo sagalee isaatiin qaqawweessa'u dinqisiisaa dha, wanta gurguddaa nuyi hubachuu hin dandeenyes in hojjeta.

⁶Inni cabbiidhaan, ?Lafa irratti bu'i!? tiifuudhaa fi bokkaa yandoodhaanis, ?Roobi!? in jedha.

⁷Namoonni hundinuu hojii isaa akka beekaniif, akka waan mallattoon itti godhameetti, inni nama hundumaa harka qabachiise.[131]

⁸?Yommus bineensonni lafa ciisicha isaanii in dhaqu, mann'ee isaanii keessas in taa'u*.

⁹Bubbeen gombisaa isaa keessaa, qorsi qilleensa bubbisu keessaa in dhufa,

¹⁰hafuurri Waaqayyo baafatu cabbii in fida, bishaan inni bal'aanis dafee wal qabatee cabbii in ta'a.

¹¹Inni duumessa isa gurraacha jiidha in baachisa, bakakkaa isaas duumessa keessa in tamsaasa.

¹²Guutummaa irra lafaa irratti, wanta inni abboome akka raawwataniif isaan akka akeeka isaatti asii fi achi in naanna'u;

¹³bokkaa namoota ittiin adabuudhaaf, yookiis lafa isaa ittiin obaasee, jaalala isaa argisiisuuf in fida.[132]

¹⁴?Yaa Iyoob, kana dhaggeeffadhu! Mee dhiisiitii hojii Waaqayyoo isa dinqisiisaa yaadaan qabi*!

¹⁵Waaqayyo duumessoota attamitti akka kaa'e, bakakkaa duumessa isaas attamitti akka balaqqeessisu ati in beektaa?

¹⁶Akka itti duumessoonni wal-gitanii diriiran, hojii dinqii kan isa beekumsatti mudaa hin qabne sanaas in beektaa?

¹⁷Yeroo qilleensi gara mirgaa qilleensa'e, lafa irraa wanti tokko hin sokoksinetti, ati inni uffanni kee sitti bulluqu,

¹⁸waaqa isa akka of-ilaalee baqfamee jabaate kana, diriirsuu isaa isa gargaarteettaa?[133]

¹⁹?Wanta isatti dubbannu nu barsiisi! Nuyi sababii dukkanichaaf dubbii keenya toora qabsiifachuu hin dandeenyu.

²⁰Ani dubbachuuf akkan jiru, namni isatti himu in barbaachisa turee ree? Namni kana dubbachuu yaadus dhuguma in bada*.

²¹Ammas qilleensi duumessa haxaa'ee erga irraa qulleessee, namni tokko illee ifa waaqa keessaa ifu ilaaluu hin danda'u.

²²Calaqqifni akka warqee karaa gara bitaa in dhufa, surraan sodaachisaan Waaqayyoon naanna'ee jira*.

²³Nuyi isa hundumaa danda'u sana bira hin geenyu, inni humnaa fi wanta qajeelaadhaan ol ol jedhaa dha; baay'ina qajeelummaa isaatiinis namoota gad hin qabu.

²⁴Inni warra ogummaa gad fagoo qaban warra kaan irra caalchisee hin ilaalu; kanaafis namoonni isa in sodaatu? jedhe*.[134]