Read west central oromo Macaafa Iyoob 39 Bible Online

Macaafa Iyoob 39 - west central oromo bible

Macaafa Iyoob 39

¹?Yeroo qelejjeen itti dhaltu ati beektaa ree? Yookiis yeroo borofni dhaluuf nanaannoftu caqafteettaa?

²Ji'a meeqaaf akka isaan garaatti baatan lakkaa'uu dandeessaa? Yookiis yeroo isaan itti dhalan beektaa?

³Isaan miixatanii in dhalu, rakkina isaaniittii in hiikamu.

⁴Ilmooleen isaanii in jabaatu, bakkee keessatti in guddatu, in ba'u gara isaaniittis hin deebi'an.

⁵?Harree diidaa birmadummaatti eenyutu gad dhiise? Hidhaa harree diidaa kanas eenyutu hiike*?

⁶Ani lafa duwwaa, mana, bakkee soogiddaas iddoo taa'umsaa godhee nan kenneef.

⁷Inni sagalee mandaraatti in kolfa, waca nama isa oofuus hin dhaga'u.

⁸Dheedicha argachuudhaaf tulloota irra in naanna'a, waan marga fakkaatu hundumaas cimsee in barbaada.[144]

⁹?Gafarsi siif hojjechuudhaaf tole in jedhaa? Dallaa kee keessas in bulaa ree?

¹⁰Gafarsa funyoo isaatiin hiitee bo'ootti in galfattaa? Yeroo ati dachaa keessaa qottu, inni immoo akka namaatti si booddeedhaan in kukkutaa ree?

¹¹Sababii humni isaa guddaa ta'eef isa in abdattaa? Hojii kee isa dadhabsiisaas isatti in dhiiftaa?

¹²Midhaan kee akka siif sassaabuuf, gara oobdii keettis akka siif fiduuf isa in amanatta?

¹³?Guchiin gammachuudhaan baallee ishee walitti rukutatti, garuu baalleen ishee akka isa allaattiin hawaannisaa ittiin balali'u miti.

¹⁴Isheen hanqaaquu lafatti in hanqaaqxi, biyyoon akka itti ho'uuf, achumatti dhiiftee in adeemti;

¹⁵garuu miilli akka buruqsu, bineensis akka irra ejjetu hin yaadattu.

¹⁶Akka waan kan ishee hin ta'iniitti cuucota isheetti garaa jabaatti, akka waan lafuma duwwaa miixatteettis hin yaaddoftuuf*.

¹⁷Ani Waaqayyo ogummaa hin kenniniifan hafe, hubachuufis qooda hin laanneef.

¹⁸Isheen yeroo ol fudhattee fiigdu immoo, fardaa fi abbaa fardaatti in kolfiti.[145]

¹⁹?Fardaaf jabina kan kennu sii? Morma isaattis gama kan uffisu sii?

²⁰Ati akka hawaannisaa akka inni quruphisu in gootaa? Xirqansuun isaa inni humna-qabeessi sodaachisaa dha.

²¹Inni dachaa kottee isaatiin dha'ee keessa in ba'a, humna isaatti in gammada, ka'ees mi'a lolaatti addaan in dhaqa;

²²raawwatee hin sodaatu, hin naasifamu, billaa irraas hin deebi'u.

²³Xiyyi korojoo keessaa qarri eeboo inni calaqqisaanii fi bodeen, cinaacha isaatti bubbu'ee in kililcha;

²⁴inni lafa raasaa, rom'isiisaas karaa isaa in fixa, yeroo sagalee fiinoo dhaga'us dhugaa hin se'u.

²⁵Yeroo sagaleen fiinoo dhaga'amus, ?Uffee!? jedha, dhaadannaa abboota duulaa, waca, waraanaas fagootti foolii in fuudha.

²⁶?Corofeen ogummaa keetiin marsitee, baallee ishee gara mirgaatti in bal'ifattii ree?

²⁷Joobirri abboommii keetiin tulluutti ol ba'ee, mann'ee isaa gubaa sanatti ijaarrataa ree*?

²⁸Inni kattaa gubbaa in taa'a, lafti buufata isaas achi, kattaan fofottoqaan, qaramaanis da'oo isaa ti;

²⁹achi irra taa'ee wanta adamsee qabatu in gaada, iji isaas fagootti in arga.

³⁰Cuuconni isaa dhiiga in dhugu, innis lafa raqni jirutti in argama? jedhe*.[146]