Read west central oromo Macaafa Iyoob 40 Bible Online

Macaafa Iyoob 40 - west central oromo bible

Macaafa Iyoob 40

¹Waaqayyo ammas Iyoobitti dubbatee,

²?Namni anaan morkatee, ana isa hundumaa danda'u in hadheessaa ree? Inni ana Waaqayyotti falmu deebii haa kennu!? jedhe*.[147]

³Yommus Iyoob deebisee Waaqayyoon,

⁴?Kunoo, ani salphadheera, afaan koo nan qabadha malee, maalan siif deebisa ree?

⁵Ani akkan deebii hin kennineef takkaa dubbadheera, si'achis lammaffaa itti hin dabalu? jedhe*.[148]

⁶Kana booddee Waaqayyo deebisee, bubbee keessaa Iyoobitti dubbatee*,

⁷?Ati ka'ii mudhii kee hidhadhuu qophaa'i! Ani sin gaafadha, ati immoo anaaf deebisi*!

⁸Ati firdii koo iyyuu in cabsitaa? Ofii qajeelaa akka taatuufis ana hamaa baaftaa*?[149]

⁹?Irree akka irree kootii qabdaa ree? Sagalee akka sagalee kootiitiinis in qaqawweessoftaa ree*?

¹⁰Yoos ulfinaa fi guddinaan of kuuli, surraa fi simboos uffadhu*!

¹¹Aarii kee isa irra-dhangala'aa firfirsi! Isa of bokoksu hundumaas ilaali, gad isa deebisis*!

¹²Nama of bokoksu hundumaa ilaali, gad isa deebisi! Jal'ootas lafa isaan dhaabatanitti dhidhiiti!

¹³Ati fuula isaaniitti mariitii, iddoo dhokataa lafa jalaa sanatti biyyoo keessa isaan dhoksi*!

¹⁴Yommus harki kee inni mirgaa mo'icha akka si argachiisu, ani immoo siif nan hima*.[150]

¹⁵?Bineensa guddaa akka roobii, isa ani akkuman si uume isas uume ilaali! Inni akka qotiyyoo marga in dheeda.

¹⁶Jabina isaa isa mudhii isaa keessa jiru, humna isaa isa sulluuda garaa isaatii keessa jirus ilaali!

¹⁷Inni eegee isaa akka gaattiraatti gogsee gad in rarraasa, ribuun luka isaa wal keessa dha'amaa dha.

¹⁸Lafeen isaa akka hujummoo sibiila borrajjii ti, caaroowwan isaas akka danqaraa sibiilaa ti;

¹⁹ani Waaqayyo kanan uume keessaa inni isa caaluu dha, ani uumaan isaa isa ajjeesuu nan danda'a.

²⁰Tulloonni lafa dheedicha isaa in ta'u, bineensonni caakkaas achitti in gammadu.

²¹Inni huuxxii qoraattii jala, dhallaadduu dhoqqee keessaa gidduus dhokatee in ciisa.

²²Huuxxiin qoraattii gaaddisa isaatiin isa in dhoksa, alaltuun lagaas isa in marsa.

²³Yommuu dha'aan bishaanii ol ka'ee gad deebi'u inni hin baqatu, Yordaanos huuruu isaa irra yoo yaa'e iyyuu inni hin shishu.

²⁴Eenyu illee utuu iji isaa ilaaluu isa qabuu, yookiis kiyyoodhaan funyaan isaa uruu in danda'a ree?