Read west central oromo Macaafa Iyoob 41 Bible Online

Macaafa Iyoob 41 - west central oromo bible

Macaafa Iyoob 41

¹?Ati hokkoo qurxummiitiin lewaataan bineensa akka jawwee harkiftee baaftaa ree? Yookiis arraba isaa funyoodhaan hiitee gad in qabdaa ree*?

²Funyoo funyaan isaa keessa in baaftaa ree? Yookiis qaaruu isaa qoraattiidhaan in urtaa ree*?

³Inni immoo deddeebi'ee si kadhataa ree? Arraba laafaadhaanis sitti in dubbataa ree?

⁴Sii wajjinis kakuutti in galaa ree? Ati immoo guutummaa bara jireenya keetti garba isa in godhattaa ree?

⁵Akka simbirrootti ittiin in taphattaa ree? Yookiis intaloota keetiif isa in hiitaa ree?

⁶Warri hidhata keessanii isa irratti wal qacaratuu ree? Isas warra bitee gurguruuf in hiruu ree?

⁷Ati gogaa isaatti eeboo furuursaadhaan darbatamu, mataa isaattis hokkoo qurxummii ittiin qaban in guuttaa ree?

⁸Harka kee yoo isatti buufte, lola sanas in yaadatta, deebitees kana hin gootu.

⁹Kunoo, namni bineensicha loluudhaaf of amanachuun gowwoomuu dha, isuma yommuu argu in kufa mitii ree?

¹⁰Isa kaasuudhaaf, kan garaa jabaatu tokko illee hin jiru erga ta'ee, egaa namni anaan mormuudhaaf na dura dhaabachuu danda'u immoo eenyu ree*?

¹¹Wanti bantii waaqaa jala jiru hundinuu kan koo ti, ani akkan baasuufitti kan na dubbifatu eenyu ree*?[151]

¹²?Ani waa'ee lewaataan kana, waa'ee harka isaatii fi miilla isaa, waa'ee jabina isaa fi dagalee toluu isaa nan dubbadha malee, calluma hin jedhu.

¹³Uffata isaa isa irra keessaa eenyutu irraa baasa? Akka luugamaattis mangaagaa isaa lamaan gidduu eenyutu lixa?

¹⁴Balbala afaan isaatii isa ilkaan sodaachisaadhaan marfame, eenyutu banuu danda'a ree?

¹⁵Dugdi isaa akka gaachanoota jajjaboo, mallattoo cimaadhaan walitti fayyifamanii ti.

¹⁶Qilleensi iyyuu gidduudhaan akka hin baanetti, inni tokko isa kaanitti baay'ee dhi'oo dha.

¹⁷Inni tokko isa kaanii wajjin walitti maxxanfameera, akka gargar hin baafamnettis wal qabataniiru.

¹⁸Yeroo inni haxxifatu balaqqeessi ifaa in ba'a, iji isaas akka boruu baqaquu ti.

¹⁹Guci boba'aan afaan isaa keessaa in ba'a, qaanqeen ibiddaas isa keessaa in utaala.

²⁰?Akkuma ibiddi muka jiidhaa xuwwee jalaa aaruutti, aarri funyaan isaa keessaa in yaa'a.

²¹Hafuurri isaa cilaattii in qabsiisa, boba'aan ibiddaas afaan isaa keessaa in ba'a.

²²Jabeenyi boquu isaa keessa jira, sodaachisuunis fuula isaa dura in adeema.

²³Dadacha'aan foon isaatii walitti maxxanee jira, inni jabaatee irratti dhoobame, hin sokoksus.

²⁴Garaan isaa akka dhagaa ti, akka haadha dhagaa daaku in jabaata.

²⁵Yeroo inni ka'u aango-qabeeyyiin in na'u, sodaataniis gara booddee isaaniitti in deebi'u.

²⁶Billaan isa rukutu, eeboon, bodeen, wanti furguggifamus gad isa hin qabu.

²⁷Inni sibiila, akka hoofaa midhaaniitti, sibiila borrajjiis, akka muka bososaatti in lakkaa'a.

²⁸?Xiyyi isa hin baqachiisu, dhagaa furuursaadhaan darbatamus akka habaqiitti in ilaala.

²⁹Bokkuu akka hoofaa midhaaniitti in lakkaa'a, mirmirsaa bodeettis in kolfa.

³⁰Cinaachi isaa garri jalaa akka qiraacii qara qabuu ti, qara isaatiinis akka sibiila ittiin midhaan cagadaniitti dhoqqee in u'ura.

³¹Tuujjuba akka xuwwee danfuu, galaanas akka huuroo urgooftuun dibataa keessatti waliin makamuu in godhe*.

³²Karaan inni irra ba'e akka calaqqisu in godha, namattis callabboon waan harrii baase in fakkaata.

³³Uumamni sodaa of keessaa hin qabne, lafa irra kan akka isaatii hin jiru.

³⁴Warra ol ka'an hundumaa biratti in sodaatama, bineensota of bokoksan hundumaa irrattis mootii dha? jedhe.[152]