Read west central oromo Macaafa Iyoob 5 Bible Online

Macaafa Iyoob 5 - west central oromo bible

Macaafa Iyoob 5

¹?Yaa Iyoob! Namni deebii siif kennu yoo jiraateef mee waami! Warra qulqulloota keessaa gara isa kamii dhaqxa?

²Nama gowwaa aariitu ajjeesa, isa wallaalaas hinaaffaatu du'a itti fida;

³namni gowwaan hidda yaafachuu isaa ani argeera, garuu dingata manni isaa in abaarame.

⁴Ilmaan isaa iddoo nagaa qabu irraa fagoo dha, karra kellaa duratti in caccaban, kan isaan oolchus hin turre;

⁵warra beela'antu, midhaan isa inni sassaabatu, isa inni qoraattii keessa kaa'atus fudhatee duraa fixa; warra dheebotantu, qabeenya isaa liqimsa*;

⁶dhiphinni biyyoo keessaa ol hin margu, rakkinnis lafaa hin biqilu;

⁷namni akkuma qaanqee ibiddaa, qilleensa keessa jooruudhaaf rakkinaaf dhalate*.[14]

⁸?Ani garuu utuun si ta'e Waaqayyoon nan barbaaddadha, dhimma koos isatti nan himadha.

⁹Inni wanta gurguddaa qoranii bira ga'uu hin dandeenye, wanta dinqisiisaa daarii hin qabnes in hojjeta*.

¹⁰Inni lafa irratti bokkaa in roobsa, bakkees bishaan in obaasa;

¹¹warra gad qabamoo, iddoo ol jedhaa irra in kaa'a, warra gaddan, iddoo nagaa qabutti ol isaan in kaasa*;

¹²wanti warri haxxootaa hojjetan fiixaan akka hin baaneef, inni akeeka isaanii in gufachiisa;

¹³ogeessota haxxummaa isaaniitiin in qaba, mala warra micciiramootaas in balleessa*.

¹⁴Guyyaan isaanitti dukkanaa'ee, akka waan halkan ta'etti guyyaa saafaadhaan in qaqqabatu*;

¹⁵Waaqayyo garuu arraba haxxootaa isa akka billaa jalaa warra deegoo in baasa; harka warra aango-qabeeyyiis isaan in oolcha.

¹⁶Yommus inni warra deegaadhaaf abdii in kenna; jal'oota garuu afaan in qabachiisa.[15]

¹⁷?Kunoo, namni Waaqayyo isa ifatu galateeffamaa dha; kanaafis adaba Waaqayyo isa hundumaa danda'uu hin tuffatin*!

¹⁸Inni in madeessa, walitti immoo in hodha; inni in cabsa, harkuma isaatiin immoo in fayyisa*;

¹⁹rakkina ja'a irraa si oolcha, isa torbaffaattis hamaan si hin tuqu*;

²⁰inni yeroo beelaatti du'a irraa, yeroo lolaattis rukuttaa billaa si oolcha*.

²¹Tuqaatii arrabaa jalaa in dhokfamta, badiisi yommuu dhufu hin sodaattu;

²²badiisaa fi beelatti in kolfita, bineensa caakkaas hin sodaattu;

²³dhagoota bakkee wajjin walii in kakattu, bineensonni caakkaas sii wajjin nagaa in qabaatu*;

²⁴dunkaanni kee nagaatti akka jiru in beekta, horii qe'ee keetii in to'atta, homaas keessaa hin dhabdu;

²⁵sanyiin kee akka baay'atan, ijoollonni kees akka marga lafaa akka ta'an in beekta.

²⁶Bissiin midhaanii yeroo isaatti akka walitti qabamu, ati gaarummaatti utuu jirtuu in duuta, in awwaalamtas.[16]

²⁷?Kunoo, nuyi kana hundumaa qorreerra, innis dhugaa dha, egaa dhaga'ii fudhadhus!? jedhe.