Read west central oromo Macaafa Iyoob 9 Bible Online

Macaafa Iyoob 9 - west central oromo bible

Macaafa Iyoob 9

¹Kana irratti Iyoob deebisee,

²?Dhuguma iyyuu kun akkas akka ta'e ani beeka! Garuu namni attamitti Waaqayyo duratti qajeelaa ta'uu danda'a ree*?

³Namni tokko Waaqayyotti falmuu yoo barbaade, kuma keessaa tokkotti illee Waaqayyo deebii hin kennuuf.

⁴Ogummaan Waaqayyoo gad fagoo dha, inni aango-qabeessa; eenyutu mata-jabina isaatiin isaan mormee nagaatti jiraate?

⁵Inni dheekkamsa isaatiin tulloota yeroo gara galchu, utuu isaan quba hin qabaatin, iddoo isaaniitii isaan in buta.

⁶Inni lafa iddoo isaatii in sochoosa, utuboonni lafaas in raafamu;

⁷inni biiftuu in abbooma, akka isheen ifa hin kennines in godha; ifa urjootaas mallattoodhaan in cufa*.

⁸Inni kophaa isaa bantiiwwan waaqaa in diriirse; dha'aawwan galaanaa irras in ejjete*;

⁹urjoota ?Amaaketa guddicha? jedhaman, urjoota ?Sadee? jedhaman, urjoota ?Torbii? jedhaman, tutee urjoota gara mirgaas isatu uume*.

¹⁰Wanta gurguddaa hubannaa namaa gara irraa ta'e, wanta dinqisiisaa lakkoobsa hin qabnes in hojjeta*.

¹¹Kunoo, anatu isa hin argu malee, inni na bira in adeema; anatu isa hin hubatu malee, inni na bukkee in darba*;

¹²Yoo inni butee adeeme, eenyutu isa dhowwachuu danda'a ree? Eenyutus wanta inni hojjetu isa gaafachuu danda'a ree*?

¹³Waaqayyo dheekkamsa isaa hin deebisu, warri Rahaab jawwee galaanaa sana gargaaran miilla isaa jalatti gad in gugguufu*.[29]

¹⁴?Egaa attamittan deebii isaaf kennuu danda'a? Wantan isaa wajjin dubbadhus attamittan fo'achuu danda'a ree*?

¹⁵Utuman dhugaa qabaadhe illee abbaa firdii kootiin araara kadhadha malee, deebii isaaf kennuu hin danda'u;

¹⁶utuman isa waammadhee innis anaaf deebisee iyyuu, akka inni sagalee koo dhaga'u amanuu hin danda'u*.

¹⁷Inni bubbee humna-qabeessaan na cabsa, sababii malees madaa koo in baay'isa;

¹⁸inni wanta hadhaa'aadhaan na guuta malee, hafuura ana hin fudhachiisu.

¹⁹Waa'ee humnaaf yoo ta'e, inni aango-qabeessa; waa'ee firdiif yoo ta'e, eenyutu iddoo sanatti isa waama?

²⁰Utuman dhugaa qabaadhe illee, afaan koo anatti in farachiisa; utuman qajeelaa ta'e iyyuu, ?Ati jal'aa dha? naan jedha.[30]

²¹?Utuman hir'ina hin qabu ta'e iyyuu, ani waa'ee ofii kootii hin beeku, jireenya koos nan jibba.

²²Hundumtuu tokkichuma, kanaafan, ?Inni warra qajeelotaa fi warra jal'oota walumatti qabee in balleessa? jedhe.

²³Dha'ichi du'a dingataa yommuu fidu, inni abdii kutachuu warra balleessaa hin qabneetti in kolfa.

²⁴Yommuu biyyi lafaa harka warra jal'otaatti kennamtu, Waaqayyo ija abboota firdii biyyichaa in jaamsa; isa malee eenyutu kana godha ree?

²⁵?Barri jireenya koo nama fiigu caalaa in ariifata; inni qaratti in balali'a, wanta gaariis hin argu*.

²⁶Inni akka bidiruu jajjaba irraa hojjetameetti, akka joobira wanta nyaatu irratti bubbu'uu fi balali'uutti, dafee in darba.

²⁷Ani, ?Gadda koo nan irraanfadha, nyaara guuruu dhiisees nan seeqa? yoon jedhe,

²⁸akka nama yakka hin qabneetti, akka ati ana hin ilaalle waanan beekuuf, dhiphinni koo hundinuu na rom'isiisa;

²⁹balleessaan anatti murama erga ta'ee, maaliifan akkasumaan dhama'a ree?

³⁰Saamunaadhaan utuun dhiqadhee iyyuu, harka koos daaraadhaan utuman qulleeffadhe iyyuu*,

³¹ati raaree keessa na buufta, uffanni koos ana in ciigga'a.[31]

³²?Akka walii wajjin firdiitti dhi'aannee, deebii isaaf hin kennineef, inni akka koo nama foon uffate miti;

³³namni nu araarsuudhaaf, harka isaa nu lamaanuu irra qabu hin jiru;

³⁴silaa'oo inni ulee isaa dugda koo irraa in fuudha, naasisuun isaas ana hin sodaachisu ture*;

³⁵anis utuun isa hin sodaatin, isatti nan dubbadhan ture; amma garuu ofii kootiin isatti dubbachuu hin danda'u.[32]