Read west central oromo MACAAFA FAARFANNAA 101 Bible Online

MACAAFA FAARFANNAA 101 - west central oromo bible

MACAAFA FAARFANNAA 101

¹Waa'ee gaarummaa, waa'ee firdii dhugaa nan weeddisa, sagalee mi'aa dhageessisuudhaanis sin faarfadha, yaa Waaqayyo.

²Ati yoom gara koo dhufta? Waa'ee jireenya balleessaa hin qabnee nan yaada, mana koo keessas garaa balleessaa hin qabneen nan jiraadha;

³wanta gadhee ija koo dura kaa'ee hin taa'u, irra-daddarbaa nan jibba, akka maxxannee anatti hin qabatu.

⁴Yaadni micciiramaan garaa koottii haa fagaatu, waa'ee wanta hamaa beekuu isaa iyyuu hin barbaadu.

⁵Dhoksaatti nama kan hamatu, lammaffaa akka hin dubbanne nan godha; nama waan guddaatti of ilaaluuf, nama of bokoksuufis ani obsuu hin danda'u.

⁶Iji koo gara warra Waaqayyoof amanamanii biyya keessa taa'anii jira, isaan anaa wajjin haa jiraatan; namni karaa warra balleessaa hin qabne irra deddeebi'u, anaaf haa hojjetu!

⁷Namni haxxummaadhaan hojjetu, mana koo keessa hin jiraatu, namni soba dubbatu ija koo dura hin dhaabatu.

⁸Namoota hamaa hojjetan hundumaa mandara Waaqayyoo keessaa balleessuudhaaf, ganama ganama jal'oota biyya keessa jiran hundumaa lammaffaa akka hin dubbanne nan godha*.[348]