Read west central oromo MACAAFA FAARFANNAA 11 Bible Online

MACAAFA FAARFANNAA 11 - west central oromo bible

MACAAFA FAARFANNAA 11

¹Anoo Waaqayyotti kooluu galeera, isin attamitti, ?Akka allaattii tulluu keetti ol baqadhu!? anaan jechuu dandeessu ree?

²Kunoo warri jal'oonni, dukkana keessa warra gara-qajeelotatti gad dhiisuudhaaf, iddaa dabsataniiru, xiyya isaaniis ribuutti kaa'ataniiru.

³Wanti gaarii ta'ee namaaf hojjetu hundinuu hundeen isaa yoo diigame, namni qajeelaan maal gochuu danda'a ree?

⁴Waaqayyo mana qulqullummaa isaa keessa jira, Waaqayyo teessoo isaa waaqa irraa qaba; ija isaatiin ilmaan namaa in arga, agartuun isaas namoota qoree in ilaala*.

⁵Waaqayyo, nama qajeelaa, nama jal'aas in qora, isa humnaan nama irratti ka'uu jaallatus garaa guutuudhaan in jibba.

⁶Inni barbadaa ibiddaa, dhagaa boba'us jal'oota irratti in roobsa, qoodi isaaniis qilleensa gubaa finiinaa dha*;

⁷Waaqayyo qajeelaa dha, inni hojii qajeelaa in jaallata; warri waan qajeelaa hojjetan fuula isaa arguuf jiru*.[34]