Read west central oromo MACAAFA FAARFANNAA 111 Bible Online

MACAAFA FAARFANNAA 111 - west central oromo bible

MACAAFA FAARFANNAA 111

¹Waaqayyoon jajadhaa! Walga'ii gara-qajeelotaa keessatti, waldicha keessattis Waaqayyoon garaa guutuudhaan nan galateeffadha*!

²Wanti Waaqayyo hojjete hundinuu guddaa dha, warra itti gammadan hundumaaf kan qoramee bira ga'amee dha.

³Gochaan isaa surra-qabeessaa fi miidhagaa dha, qajeelummaan isaas yeroo hundumaaf jabaatee in dhaabata.[395]

⁴Hojiin isaa inni dinqisiisaan akka yaadatamu godhe, Waaqayyo araara-qabeessa, oo'a-qabeessas*.

⁵Inni warra isa sodaataniif soora in kennaaf, kakuu isaas bara baraan in yaadata*.

⁶Wanta dhuunfaa saba lafa irraa ta'e isaaniif kennuudhaan, hojii aangoo isaa namoota isaatti mul'iseera*.

⁷Hojiin harka isaa hundinuu amanamaa dha, dhugaa dha, abboommiin isaa hundinuus amansiisaa dha;

⁸isaan amanamummaa fi qajeelummaadhaan hojjetaman, yeroo hundumaaf baruma baraan jabaatanii in dhaabatu.[396]

⁹Inni furii saba isaatiif erge, kakuun isaa bara baraan akka eegamu abboomeera, maqaan isaa immoo qulqulluu dha, sodaachisaa dhas!

¹⁰Waaqayyoon sodaachuun jalqaba ogummaa ti, warri isa duukaa bu'anii hojjetan hubannaa gaarii qabu; Waaqayyoon jajachuunis yeroo hundumaaf jabaatee in dhaabata*.[397]