Read west central oromo MACAAFA FAARFANNAA 115 Bible Online

MACAAFA FAARFANNAA 115 - west central oromo bible

MACAAFA FAARFANNAA 115

¹Nuyiif miti, yaa Waaqayyo, nuyiif miti, gaarummaa kee fi amanamummaa keef jedhii, maqaan kee ulfina akka argatu godhi!

²Sabni lafa irraa, ?Waaqayyo isaanii eessa jira?? jechuudhaaf maaliif karaa argatu*?[405]

³Waaqayyo keenya waaqa irra jira, waanuma isatti tolu in hojjeta.

⁴Waaqayyoliin isaanii warri tolfaman meettii dha, warqee dha, harka namaatiin hojjetamanis;

⁵afaan itti jira, garuu dubbachuu hin danda'an; iji itti jira, garuu arguu hin danda'an;

⁶gurri itti jira, garuu dhaga'uu hin danda'an; funyaan itti jira, garuu fuunfachuu hin danda'an.

⁷Harka isaaniitiin qaqqabachuu hin danda'an; miilla isaaniitiinis adeemuu hin danda'an, laagaa isaaniitiinis sagalee hin dhageessisan.

⁸Warri isaan tolchan, warri isaan amanatanis hundinuu akuma isaanii ti*.[406]

⁹Yaa warra Israa'el, Waaqayyoon amanadhaa! Inni gargaarsa keessan, gaachana keessanis.

¹⁰Yaa mana Aaron, Waaqayyoon amanadhaa! Inni gargaarsa keessan, gaachana keessanis.

¹¹Isin warri Waaqayyoon sodaattan Waaqayyoon amanadhaa! Inni gargaarsa keessan, gaachana keessanis*.[407]

¹²Waaqayyo nu yaadateera, inni nu eebbisa; inni mana Israa'el in eebbisa, inni mana Aaron in eebbisa;

¹³inni warra Waaqayyoon sodaatan, warra xixinnaa, warra gurguddaas in eebbisa*;

¹⁴Waaqayyo isin haa baay'isu, isin, ijoollee keessanis mana haa guuchisu*!

¹⁵Waaqayyo isa waaqaa fi lafa uumeef, kan eebbifamtan in taatu*![408]

¹⁶Bantiiwwan waaqaa kan Waaqayyoo ti, lafa garuu ilmaan namaatiif kenne*.

¹⁷Warri du'oon, iddoo warra calluma jedhaniitti kan gad bu'an, Waaqayyoon jajachuu hin danda'an*.

¹⁸Nuyi garuu ammaa jalqabnee hamma bara baraatti, maqaa Waaqayyoo in eebbifna. Waaqayyoon jajadhaa![409]