Read west central oromo MACAAFA FAARFANNAA 116 Bible Online

MACAAFA FAARFANNAA 116 - west central oromo bible

MACAAFA FAARFANNAA 116

¹Waaqayyo sagalee koo fi himata koo waan dhaga'eef, ani isa nan jaalladha.

²Inni gurra isaa gara kootti qabeera, kanaafis hamman jirutti isa nan waammadha.

³Futtaasaan du'aa anatti marame, waa'ee iddoo lafa jalaas yaadee dhiphinni ana irra ga'e; ani muddamaa fi gadda keessa nan lixe.

⁴Yommus, ?Yaa Waaqayyo, ani sin kadhadha, lubbuu koo oolchi!? jedhee, maqaa Waaqayyoo nan waammadhe.

⁵Waaqayyo araara-qabeessaa fi qajeelaa dha, Waaqayyo keenya oo'a-qabeessas*.

⁶Waaqayyo warra garraamota in eega, yeroo ani mataa buusetti inni na gargaare.

⁷Waaqayyo wanta gaarii waan siif godheef, yaa lubbuu ko, aara-galfannaa keetti deebi'i*![410]

⁸Ati immoo yaa gooftaa, lubbuu koo du'a, ija koo imimmaan, miilla koos gufachuu oolchiteetta*.

⁹Biyya warra jiraatoo keessa, ani fuula Waaqayyoo dura nan deddeebi'a*.

¹⁰Yeroo, ?Ani guddisee rakkadheera? jedhetti iyyuu, ani amantii koo nan eeggadhe.

¹¹Na'ee dinqifachuu koo keessatti immoo, ?Namni hundinuu sobaa dha? nan jedhe*.[411]

¹²Wanta gaarii inni anaaf godhe hundumaaf, ani Waaqayyoof maalan deebisa?

¹³Ani xoofoo fayyinaaf kenname ol nan fuudha, maqaa Waaqayyoos nan waammadha.

¹⁴Fuula saba isaa hundumaa duratti immoo, ani wareega koo Waaqayyoof nan baasa.

¹⁵Warri isaaf qulqullaa'an du'uun, ija Waaqayyoo duratti ulfaataa dha*.

¹⁶Yaa Waaqayyo, kunoo ani garbicha kee ti; ani garbicha kee, ilma garbittii keetii ti, ati hidhaa koo hiikteetta.

¹⁷Ani aarsaa galataa siif nan dhi'eessa, maqaa Waaqayyoos nan waammadha.

¹⁸Fuula saba isaa hundumaa duratti immoo, ani wareega koo Waaqayyoof nan baasa*.

¹⁹Kanas oobdii mana Waaqayyoo keessatti, si keessatti yaa Yerusaalem nan baasa. Waaqayyoon jajadhaa![412]