Read west central oromo MACAAFA FAARFANNAA 118 Bible Online

MACAAFA FAARFANNAA 118 - west central oromo bible

MACAAFA FAARFANNAA 118

¹Waaqayyo gaarii waan ta'eef, gaarummaan isaas bara baraan waan jiraatuuf, isaaf galata galchaa*!

²Sabni Israa'el, ?Gaarummaan isaa bara baraan in jiraata? haa jedhu!

³Manni Aaron, ?Gaarummaan isaa bara baraan in jiraata? haa jedhu!

⁴Warri Waaqayyoon sodaatan, ?Gaarummaan isaa bara baraan in jiraata? haa jedhan![414]

⁵Ani rakkina koo keessatti Waaqayyoon nan waammadhe, inni immoo in owwaate, iddoo bal'aattis na baase.

⁶Waaqayyo gara koo erga ta'ee ani hin sodaadhu, namni maal na gochuu danda'a*?

⁷Waaqayyo na gargaaruudhaaf gara koo erga ta'ee, ani gammachuudhaan warra na jibban of jalatti nan ilaala.

⁸Nama amanachuu irra Waaqayyotti kooluu galuu wayya*.

⁹Warra gurguddoota amanachuu irra, Waaqayyotti kooluu galuu wayya*.[415]

¹⁰Sabni lafa irraa hundinuu na marsan, ani garuu maqaa Waaqayyootiin of irraa isaan nan kuta.

¹¹Isaan ana naanna'anii na marsan, ani garuu maqaa Waaqayyootiin of irraa isaan nan kuta.

¹²Isaan akka gurmuu kanniisaa anatti tuuta'an, akka ibidda qoraattii kosorruus boba'anii in dhaamu; ani garuu maqaa Waaqayyootiin of irraa isaan nan kuta.

¹³Darbatamuu illee, akkan kufutti darbatameen ture; Waaqayyo garuu na gargaare.

¹⁴Waaqayyo humna kootii fi faarfannaa koo ti, inni fayyina koo anaaf ta'eera*.[416]

¹⁵Sagaleen gammachuu, kan mo'ichaas, godoo warra qajeelotaa keessatti in dhaga'ama; ?Harki Waaqayyoo inni mirgaan aangoodhaan in hojjeta.

¹⁶Harki Waaqayyoo inni mirgaan ol in kaafama, harki Waaqayyoo inni mirgaan aangoodhaan in hojjeta?.

¹⁷Anoo hin du'u nan jiraadha; gocha Waaqayyoos tokko tokkoon nan hima.

¹⁸Waaqayyo jabeessee na adabeera, garuu du'atti dabarsee ana hin kennine*.[417]

¹⁹Isaan keessa ol galee Waaqayyoof galata akkan galchutti, isin balbala kelloota qajeelummaa anaaf banaa!

²⁰Kun balbala kellaa Waaqayyoo ti, qajeelonni ittiin ol in galu*.

²¹Ati waan na jalaa owwaatteef, fayyina koos waan anaaf taateef sin galateeffadha.[418]

²²Dhagaan inni warri ijaartuun tuffatan, isa mataa golee qajeelchu ta'e.

²³Kun Waaqayyo biraa ta'e, inni immoo ija keenya duratti dinqisiisaa dha*.

²⁴Guyyaan Waaqayyo dhaabe isa kana, kottaa isatti in gammannaa, itti gammaduu keenyas in dhageessifnaa!

²⁵Hadaraa yaa Waaqayyo, nu oolchi, hadaraa yaa Waaqayyo, wal nuuf qiqixeessi![419]

²⁶Maqaa Waaqayyootiin inni dhufu eebbifamaa haa ta'u! Nuyi mana Waaqayyoo keessaa isin in eebbifna*.

²⁷Gooftichi Waaqayyoo dha, inni ifa nuuf in ta'a; toora cidhichaas damee baala qabuun, hamma gubbaa gaanfa iddoo arsaatti wal qabachiisaa![420]

²⁸Ati Waaqayyo koo ti, ani galata siif nan galcha, yaa Waaqayyoo ko, ani ulfinaan ol sin kaasa.

²⁹Waaqayyo gaarii waan ta'eef, gaarummaan isaas bara baraan waan jiraatuuf, isaaf galata galchaa!