Read west central oromo MACAAFA FAARFANNAA 136 Bible Online

MACAAFA FAARFANNAA 136 - west central oromo bible

MACAAFA FAARFANNAA 136

¹Waaqayyo gaarii waan ta'eef, isaaf galata galchaa! Gaarummaan isaa bara baraan in jiraata*!

²Waaqayyo isa waaqayyolii caaluuf galata galchaa! Gaarummaan isaa bara baraan in jiraata.

³Isaaf galata galchaa! Gooftaa gooftotaaf galata galchaa! Gaarummaan isaa bara baraan in jiraata.[472]

⁴Inni kophaa isaa dinqii gurguddaa hojjete; gaarummaan isaa bara baraan in jiraata.

⁵Inni hubannaadhaan bantiiwwan waaqaa uume; gaarummaan isaa bara baraan in jiraata*.

⁶Inni lafa bishaan irra diriirse; gaarummaan isaa bara baraan in jiraata*.

⁷Inni ifa gurguddaa hojjete; gaarummaan isaa bara baraan in jiraata.

⁸Biiftuun guyyaa aboo akka godhatuuf kaa'e; gaarummaan isaa bara baraan in jiraata.

⁹Ji'i, urjoonnis halkan aboo akka godhataniif kaa'e; gaarummaan isaa bara baraan in jiraata*.[473]

¹⁰Inni angafa ta'anii warra Gibxiif kan dhalatan in dha'e; gaarummaan isaa bara baraan in jiraata.

¹¹Israa'elin immoo isaan gidduudhaa in baase; gaarummaan isaa bara baraan in jiraata.

¹²Harka aango-qabeessaan, irree isaa isa ol fudhateen in baase; gaarummaan isaa bara baraan in jiraata*.

¹³Inni galaana diimaa iddoo lamatti gargar hire; gaarummaan isaa bara baraan in jiraata.

¹⁴Sabni Israa'el gidduu isaa akka darban godhe; gaarummaan isaa bara baraan in jiraata.

¹⁵Fara'oonii fi macca isaa immoo galaana diimaa keessatti in darbate; gaarummaan isaa bara baraan in jiraata*.[474]

¹⁶Inni saba isaa lafa onaa keessa in geggeesse; gaarummaan isaa bara baraan in jiraata*.

¹⁷Inni mootota gurguddoota in dha'e; gaarummaan isaa bara baraan in jiraata.

¹⁸Inni mootota surra-qabeeyyii in ajjeese; gaarummaan isaa bara baraan in jiraata.

¹⁹Sihoonin mootii Amoorotaa in qoome; gaarummaan isaas bara baraan in jiraata.

²⁰Oogin mootii Baashaan in ajjeese; gaarummaan isaa bara baraan in jiraata.

²¹Inni biyya isaanii dhaala godhee kenne; gaarummaan isaa bara baraan in jiraata.

²²Israa'el garbicha isaatiif dhuunfaa isa godhe; gaarummaan isaa bara baraan in jiraata*.[475]

²³Yeroo gad deebii keenyaatti isatu nu yaadate; gaarummaan isaa bara baraan in jiraata.

²⁴Warra nu cunqursan harkaas isatu nu baase; gaarummaan isaa bara baraan in jiraata*.

²⁵Inni foon kan uffate hundumaa in soora; gaarummaan isaa bara baraan in jiraata*.

²⁶Waaqayyo, gooftaa bantii waaqaaf galata galchaa! Gaarummaan isaa bara baraan in jiraata.[476]