Read west central oromo MACAAFA FAARFANNAA 138 Bible Online

MACAAFA FAARFANNAA 138 - west central oromo bible

MACAAFA FAARFANNAA 138

¹Ani garaa koo guutuudhaan, galata siif nan galcha, yaa Waaqayyo! Waaqayyolii durattis jajuu kee nan faarfadha.

²Ani gara mana qulqullummaa keetti gara galee nan sagada; wanta ittiin maqaan kee beekame gara irraatti ati abdii kee waan ol kaafteef, gaarummaa keetii fi amanamummaa keetiifis, maqaa keef galata nan galcha*.

³Guyyaa ani si waammadhetti na jalaa owwaatteetta, ati na jabeessite, lubbuun koos humna godhatte.[480]

⁴Dubbii afaan kee keessaa ba'u waan dhaga'aniif, mootonni biyya lafaa hundinuu galata siif in galchu, yaa Waaqayyo!

⁵Ulfinni Waaqayyoo guddaa waan ta'eef, isaan waa'ee karaa isa Waaqayyo ittiin hojjetuu in weeddisu.

⁶Waaqayyo akkas ol ka'ee utuma jiruu, warra gad deebi'an in ilaala; warra of gurguddisan garuu inni fagootti in beeka*.[481]

⁷Ani gidiraa keessa yoon deddeebi'e iyyuu, ati lubbuu anatti in deebifta; dheekkamsa diinota koo irrattis, ati harka ol in fudhatta; harki kee mirgaas ana in oolcha*.

⁸Waaqayyo akeeka isaa anaaf in raawwata; gaarummaan kee yaa Waaqayyo, bara baraan in jiraata, hojii harka keetii ati hin dhiisin![482]