Read west central oromo MACAAFA FAARFANNAA 14 Bible Online

MACAAFA FAARFANNAA 14 - west central oromo bible

MACAAFA FAARFANNAA 14

¹Gowwoonni garaa isaaniitti, ?Waaqayyo hin jiru? in jedhu; isaan amalli isaanii manca'aa dha, wanta ciiggaasisaa in hojjetu, namni waan gaarii godhu tokko illee hin jiru*.

²Ogeessonni Waaqayyoon barbaadan, yoo jiraatan arguudhaaf, Waaqayyo bantii waaqaa keessaa, ilmaan namootaa gad in ilaala;

³hundinuu karaa irraa goraniiru, hundinuus wal ga'anii manca'aniiru, namni gaarii godhu tokko illee hin jiru, lakkii, tokko iyyuu hin jiru*.[38]

⁴Warri hamaa hojjetan hundinuu homaa hin hubatanii ree? Warri akkuma buddeena nyaatan saba koo nyaatanis, Waaqayyoon hin waammatanii ree*?

⁵Kunoo, isaan sun naasuu guddaatti in kufu, Waaqayyo dhaloota qajeelaa wajjin jira'o;

⁶isin akeeka nama gadadamaa isa harkaa in gattu; inni garuu Waaqayyotti kooluu galeera*.

⁷Xiyoon keessaa Israa'eliif fureen utuma ba'ee! Yeroo Waaqayyo saba isaatiif adda kennuuf, Yaaqoob in burraaqa, Israa'elis in gammada*.[39]