Read west central oromo MACAAFA FAARFANNAA 143 Bible Online

MACAAFA FAARFANNAA 143 - west central oromo bible

MACAAFA FAARFANNAA 143

¹Yaa Waaqayyo, ati kadhata koo anaaf dhaga'i, gurri kees himata koo haa dhaggeeffatu! Amanamummaa keetiin, qajeelummaa keetiinis anaaf deebisi!

²Garbicha kee firdiitti hin dhi'eessin! Nama ta'ee kan jiraatu keessa tokko illee si duratti qajeelaan hin jiru*.[496]

³Diinni na ari'ee, jireenya koos lafatti dabale, akkuma warra kanaan dura du'aniitti, lafa dukkanaatti na galche.

⁴Kanaaf hafuurri na xinnaatee, garaan koos na'ee in hadoode.

⁵Guyyoota bara durii nan yaadadha, wanti ati goote hundinuus yaada koo keessa jira; hojii harka kees irra-deddeebi'ee itti nan yaada*.

⁶Harka koo gara keettan bal'isa; lubbuun koo si duratti akkuma lafa gogee bishaan barbaaduu ti*.[497]

⁷Hafuurri koo wal qaqqabuu dadhabeera, ariifadhuu na jalaa owwaadhu, yaa Waaqayyo! Akka warra boollatti gad bu'anii akkan hin taanetti, fuula kee achi ana irraa hin qabatin*!

⁸Ani waanan si amanadheef, ganama bariidhaan gaarummaan kee akka anatti dhaga'amu godhi! Lubbuun koo ol gara kee waan yaadduufis, karaa irra adeemuun anaaf ta'u ana beeksisi*![498]

⁹Warra diina anatti ta'an jalaa na baasi, yaa Waaqayyo! Ani si jalatti nan baqadha.

¹⁰Ati Waaqayyo koo ti, egaa fedha kee gochuu na barsiisi! Hafuurri kee inni gaariin, lafa wal qixxee irra ana haa geggeessu*![499]

¹¹Maqaa keef jedhii lubbuu anatti deebisi, yaa Waaqayyo! Qajeelummaa keetiinis rakkina keessaa na baasi*!

¹²Anoo garbicha kee ti, ati gaarii waan taateef, warra diina anatti ta'an, fixi! Warra na cunqursan hundumaas balleessi![500]