Read west central oromo MACAAFA FAARFANNAA 144 Bible Online

MACAAFA FAARFANNAA 144 - west central oromo bible

MACAAFA FAARFANNAA 144

¹Waaqayyo, inni harka koo lolatti, quba koos waraanatti barsiisu, kattaan koo ulfinaan haa jajamu!

²Inni gaarummaa anatti in argisiisa, inni masaraa koo, da'oo jabaa koo, oolchaa koo, gaachana koo isa ani kooluu itti galuu dhas; inni saba lafa irraa[501] ana jalatti in abboomsisa*.[502]

³Yaa Waaqayyo, ati akka waa'ee isaa yaaduuf namni maali? Ati akka yaadaan isa qabduufis ilmi namaa maali*?

⁴Namni akka qilleensa shuf jedhuu ti, barri jireenya isaas akka gaadidduu darbuu ti*.[503]

⁵Yaa Waaqayyo, bantiiwwan waaqaa kee gad qabi, ati as kottu; akka aarri isaan keessaa ba'uttis tulloota tuqi!

⁶Bakakkaa balaqqeessis, warra mormanis bittimsi; xiyyoolii kee gad ergi, gara itti goran isaan wallaalchisi!

⁷Ol gubbaa sanaa harka kee hiixadhuu na furi, bishaanota baay'ee keessaa, harka warra ormaa keessaas na baasi*!

⁸Afaan isaanii dubbii hundee hin qabne in dubbata, harka mirgaa wal rukutuun isaaniis kan sobaa ti*.[504]

⁹Yaa Waaqayyo, ani weedduu haaraa siif nan weeddisa, mi'a ribuu kudhan qabuunis sin faarfadha*.

¹⁰Ati moototaaf mo'icha in laatta; Daawitin garbicha kees billaa sodaachisaa jalaa in oolchita*.

¹¹Anas na oolchi, harka warra ormaa keessaas na baasi! Afaan isaanii dubbii hundee hin qabne in dubbata, harka mirgaa wal rukutuun isaaniis kan sobaa ti.[505]

¹²Ilmaan keenya ijoollummaa isaaniitti akka biqila guddina tolee, intaloonni keenya akka utuboota golee irraa, warra ijaarsa mana mootii miidhagsuuf qiinqimamanii haa ta'an!

¹³Gombisaan keenya haa guutu, midhaan garaa garaas isa keessaa haa baafamu! Bushaa'een keenya kumaatama haa ta'an, wal horanii kumaatama kudhaniin bakkeetti haa yaa'an!

¹⁴Horiin keenya haa dodorroban, gatachuun, iddoo hin ga'in dhalachuun itti hin dhufin! Karaa keenya keessattis rakkatanii iyyuun hin argamin!

¹⁵Sabni akkasitti jiraatu haa gammadu, sabni gooftichi Waaqayyo isaa ta'eef haa gammadu*![506]