Read west central oromo MACAAFA FAARFANNAA 15 Bible Online

MACAAFA FAARFANNAA 15 - west central oromo bible

MACAAFA FAARFANNAA 15

¹Yaa Waaqayyo, godoo kee keessa eenyutu buufata ree? Tulluu kee isa qulqullaa'aa irras eenyutu jiraata ree*?

²Nama balleessaa malee jiraatu, nama wanta qajeelaa hojjetu, nama garaa isaatiin dhugaa dubbatu,

³nama arraba qaratee asii fi achi hin labne, nama nama irratti hamaa hin hojjenne, nama ollaa isaa hin ceephaane;

⁴namni Waaqayyoon gatee gatamee ija isaatti tuffatamaa ta'ee kan ilaalamu; warra Waaqayyoon sodaataniif immoo ulfina kan kennu, wanti inni wareege kan isa miidhu yoo ta'e iyyuu, wareega isaa utuu hin geddarin kan raawwatu;

⁵horii isaa hiiqiitti kan hin kennine, nama yakka hin qabne irratti gabbarsuu kan hin fudhanne; kana hundumaatti namni of eeggachaa hojjetu, yoom iyyuu hin socho'u*.[40]