Read west central oromo MACAAFA FAARFANNAA 16 Bible Online

MACAAFA FAARFANNAA 16 - west central oromo bible

MACAAFA FAARFANNAA 16

¹Yaa Waaqayyo, ani kooluu sitti galeera, ati na eegi!

²Ani Waaqayyoon, ?Ati gooftaa koo ti, ati anaaf wanta gaarii hundumaa dha? nan jedha*.

³Warri isaaf qulqullaa'anii biyyicha keessa jiran ulfina-qaboota, isaan anaaf guutummaa gammachuu kootii ti.

⁴Warri Waaqayyoon dhiisanii kan biraa fudhatan, miidhama of irratti in baay'isu, dhibaayyuu dhiigaa isaaniif dhi'aatu ani hin dhibaafadhu, afaan kootiinis maqaa isaanii hin dha'u*.[41]

⁵Yaa Waaqayyo, ati qooda koo isa anaaf kennamee dha, ati xoofoo anaaf hiixatamee dha, ga'aan koos si harkaa in dhufa*;

⁶funyoon safaraa iddoo gammachiisaa irra anaaf bu'e, eyyee, ani dhaala guddaa namatti tolu qaba;

⁷Waaqayyoon isa gorsa anaaf kenne nan jajadha halkanis immoo yaadni garaa koo isa kana na yaadachiisa;

⁸Waaqayyo yeroo hundumaa fuula koo dura anaaf jira, inni mirga koo waan jiruufis ani hin shishu;

⁹kanaafis garaan koo in gammada, lubbuun koo inni ulfina-qabeessi in ililcha, namummaan koos immoo sodaa malee in jiraata.[42]

¹⁰Ati iddoo lafa jalaatti ana hin laattu, isa siif of kennes ijaan iyyuu qilee akka argu hin gootu*.

¹¹Ati karaa jireenyatti nama geessu na barsiifta, guutummaan gammachuu fuula kee dura, wanti namatti tolus immoo bara hundumaattuu mirga kee jira.[43]