Read west central oromo MACAAFA FAARFANNAA 21 Bible Online

MACAAFA FAARFANNAA 21 - west central oromo bible

MACAAFA FAARFANNAA 21

¹Yaa Waaqayyo, mootiin humna ati argisiiftutti in gammada, mo'icha akka inni argatuuf gargaaruu keetiif gammachuu guddaa attamii in qabaata!

²Hawwa garaa isaa isaaf kenniteetta, waan inni sitti himates isa hin dhowwanne*!

³Ati waan gaariidhaan isa eebbisuuf gara isaa dhufteetta, gonfoo warqee qullaa'aa irraa hojjetames mataa isaa irra keesseetta.[61]

⁴Inni jiraachuudhaaf si kadhate, atis jireenya in laatteef, guyyoota jireenya isaas baraa hamma bara baraatti dheeressiteef*.

⁵Mo'icha akka inni argatuuf gargaaruu keetiin ulfinni isaa guddaa ta'e; surraa fi simboos isa irra in keesse.

⁶Inni yeroo hundumaaf eebba akka ta'uuf isa in dhaabda, dhageettii gammachuu si duratti argamuudhaan dhufuunis isa in gammachiifta.

⁷Mootichi Waaqayyoon in amanata, gaarummaan aabbaas akka inni hin mittiqne in godha.[62]

⁸Harki kee diinota kee hundumaa bira in ga'a, harki kee mirgaas warra si jibban bira in ga'a.

⁹Yeroo ofii kee argisiiftutti gubaa akka iddoo ibiddaa isaan in goota; Waaqayyo dheekkamsa isaatiin isaan in fixa, ibiddis xaph isaan in godha.

¹⁰Ati dhala isaanii lafa irraa, sanyii isaaniis ilmaan namootaa keessaa in balleessita;

¹¹hamaa yoo si irratti yaadan, yoo si irratti koratanis, fiixaan baafachuu hin danda'an*.

¹²Atoo fuula duraan iddaa kee isaanitti in qabda, dugda duuba deebi'anii akka baqatanis in goota.[63]

¹³Yaa Waaqayyo aangoo keetiin ka'i! Nuyi humna kee in faarfanna, mi'a garaa garaatiinis faarfannaa in dhageessifna.