Read west central oromo MACAAFA FAARFANNAA 29 Bible Online

MACAAFA FAARFANNAA 29 - west central oromo bible

MACAAFA FAARFANNAA 29

¹Yaa warra waaqa irraa, Waaqayyoof ulfina dhi'eessaa! Aangoo Waaqayyoos beeksisaa*!

²Ulfina maqaa isaatiif ta'u Waaqayyoof dhi'eessaa! Qulqullummaa akka mi'a miidhaginaatti naqadhaatii Waaqayyoof sagadaa![92]

³Sagaleen Waaqayyoo galaana irraa in dhaga'ama, Waaqayyo inni ulfina-qabeessi in kakawweessa'a; inni galaana gurguddaa irrattis waaqayyummaa isaa in argisiisa.

⁴Sagaleen Waaqayyoo humnaan in dhaga'ama; sagaleen Waaqayyoo surraadhaan in sochoosa.

⁵Sagaleen Waaqayyoo muka gaatiraa in caccabsa; Waaqayyo muka gaatiraa tulloota Libaanon in caccabsa.

⁶Inni tulloota Libaanon akka jabbii, tulluu Siiriyonis akka dibicha gafarsaa in burraaqsisa*.

⁷Sagaleen Waaqayyoo balaqqeessa akka ibiddaa in finiinsa;

⁸sagaleen Waaqayyoo lafa duwwaa in sochoosa, Waaqayyo lafa duwwaa isa kan Qaadesh in sochoosa.

⁹Sagaleen Waaqayyoo qilxuu of irra in naannessa, mukeetii caakkaa irraas baalaa fi damee in cira; mana qulqullummaa isaa keessatti immoo hundinuu hooqubaa in dhi'eessu.[93]

¹⁰Waaqayyo bishaan badiisaa gara irraa iyyuu taa'eera; Waaqayyo bara baraan mootii ta'ee teessoo irra in taa'a*.

¹¹Waaqayyo saba isaatiif jabina haa kennu; Waaqayyo saba isaa nagaadhaan haa eebbisu![94]