Read west central oromo MACAAFA FAARFANNAA 3 Bible Online

MACAAFA FAARFANNAA 3 - west central oromo bible

MACAAFA FAARFANNAA 3

¹Yaa Waaqayyo, diinonni koo attam baay'ee dha! Baay'een kan ana irratti ka'an jiru.

²Baay'een waa'ee koo in dubbatu, ?Inni Waaqayyo biraa gargaarsa hin qabu? in jedhu.

³Ati garuu yaa Waaqayyo, naannoo kootti gaachana anaaf in taata; ati ulfina koo ti, mataa koos ol ol in qabda*.

⁴Ani sagalee koo ol fuudheen Waaqayyoon waammadha, inni immoo tulluu isaa isa qulqulluu irraa deebii anaaf in kenna*.[5]

⁵Ani nan ciisa, nan rafa, Waaqayyo waan ol na qabuuf deebi'ee nan dammaqa*.

⁶Ani warra kumaatama ana irratti ka'anii na marsan hin sodaadhu*.[6]

⁷Ka'i yaa Waaqayyo, na gargaari yaa gooftaa ko! Ati diinota koo hundumaa mangaagaa in rukutta, ilkaan warra jal'ootaas in caccabsita*.

⁸Gargaarsi Waaqayyo bira jira; eebbi kee saba kee irra haa jiraatu![7]