Read west central oromo MACAAFA FAARFANNAA 32 Bible Online

MACAAFA FAARFANNAA 32 - west central oromo bible

MACAAFA FAARFANNAA 32

¹Namni irra-daddarbaan isaa dhiifameef, cubbuun isaas deebi'ee akka hin argamne godhameef haa gammadu!

²Namni Waaqayyo yakka tokko illee irratti hin lakkoofne, yaada isaa keessas haxxummaan hin jirre haa gammadu*![106]

³Yeroon cubbuu koo himachuu dhiisetti, guyyaa guutuu aaduu kootiif namummaan koo gad dhume;

⁴guyyaa fi halkan harki kee waan anatti ulfaateef, humni koo akka waan ho'i bonaa rukutetti na keessatti in goge.

⁵Yommus ani cubbuu koo sitti nan himadhe, yakka koos ani hin dhoksine; ani, ?Irra-daddarbaa koo Waaqayyotti nan himadha? nan jedhe; ati immoo yakka cubbuu kootiif anatti murame anaaf dhiifte*.[107]

⁶Egaa namni siif of kenne hundinuu, yeroo rakkinaatti si barbaadee si haa kadhatus; yommus bishaan gurguddaan yeroo isatti huursanitti, isa bira hin ga'an.

⁷Ati anaaf golgaa koo ti, ati rakkina irraa ana in eegda; furuu keetiinis ililleen akka na marsu in goota.

⁸Waaqayyo, ?Waan gochuun siif ta'u sin hubachiisa, karaa irra adeemuun siif ta'u sittan argisiisa; sin gorsa, ija kootiinis sin to'adha*.

⁹Ati akka fardaa fi gaangoo warra waa hin hubanne hin ta'in! Luugamaa fi amartii isaatiin ofitti yoo harkifte malee, isaan sitti hin dhi'aatan? in jedha.[108]

¹⁰Dhiphinni warra jal'ootaa baay'ee dha, gaarummaan Waaqayyoo garuu nama isa amanatu in marsa.

¹¹Isin qajeelota nana, Waaqayyotti gammadaa ililchaas! Isin warri gara-qajeelonnis, gammaduu keessan guddisaa dhageessisaa!