Read west central oromo MACAAFA FAARFANNAA 38 Bible Online

MACAAFA FAARFANNAA 38 - west central oromo bible

MACAAFA FAARFANNAA 38

¹Yaa Waaqayyo, aarii keetiin ana hin ifatin, dheekkamsa keetiinis ana hin adabin!

²Xiyyooliin kee gad fageessanii na waraananiiru; harki kees anatti in ulfaate*.[135]

³Sababii dheekkamsa keetiif foon koo bututeera, sababii cubbuu kootiifis lafeewwan koo fayyaa hin qaban.

⁴Irra-daddarbaan koo mataa koo irra ol darbeera, miijanni isaas ba'aa ani baachuu hin dandeenye ta'ee anatti ulfaateera*.[136]

⁵Sababii ani gowwoomfameef, madaan koo foolii foolii jedhee, in mala'es.

⁶Ani goopha'ee, raawwadhees walittan cabe, guyyaa guutuus boo'aa nan naanna'a.

⁷Mudhiin koo guutummaan isaa na guba, dhagni koos fayyaa hin qabu.

⁸Humni koo na bushaa'ee, raawwadhees nan caccabe, yaadni koo dhiphattee sababiin aaduufis nan iyya.

⁹Yaa Waaqayyo, wanta ani si biraa argachuu fedhu hundumaa situ beeka, hafuura dheeraa baafachuun koos si duraa hin dhokanne.

¹⁰Lapheen koo na dha'ate, humni koo in laafe, iji koos arguu in dhabe.

¹¹Firoonni koo fi olloonni koo sababii dha'ichi anatti dhufeef ana irraa in baqatu, aantiin koos ana irraa fagaatanii in dhaabatu*.

¹²Warri jireenya koo balleessuu barbaadan kiyyoo isaanii diriirsan, warri miidhama koo barbaadanis na balleessuuf in mari'atu; guyyuma guutuus karaa sobaa itti yaadanii in qopheessu.[137]

¹³Ani garuu akka nama duudaan ta'e, ani hin dhaga'u; ani akka nama arraba didaa isa afaan hin saaqannee nan ta'e*.

¹⁴Ani akka nama gurri isaa hin dhageenyee, akka isa deebii namaaf hin laannee nan ta'e.[138]

¹⁵Garuu ani abdiidhaan sin eeggadha yaa Waaqayyo, atoo deebii anaaf in laatta, yaa Waaqayyo gooftaa ko!

¹⁶Anoo, ?Warri yeroo miilli koo bitintiru ana irratti of jajan, akka isaan anatti gammadan hin godhin!? jedhee sin kadhadha.

¹⁷Ammas ani kufuu ga'eera, dhukkubni koo inni na waraanus yeroo hundumaa anaa wajjin jira.

¹⁸Ani yakka koo nan himadha; cubbuu waanan hojjedheefis nan gadda*.

¹⁹Warri sababii malee diinota anatti ta'an humna-qabeeyyii dha, warri karaa malee na jibbanis baay'ee dha.

²⁰Ani isa gaarii duukaa waanan bu'uuf, warri qooda gaarii hamaa anaaf deebisan hamajaajii koo ti.[139]

²¹Yaa Waaqayyo, ati ana hin gatin, yaa gooftaa ko, ati ana irraa hin fagaatin!

²²Yaa gooftaa ko, fayyisaa ko, ati ana gargaaruudhaaf ariifadhu!