Read west central oromo MACAAFA FAARFANNAA 39 Bible Online

MACAAFA FAARFANNAA 39 - west central oromo bible

MACAAFA FAARFANNAA 39

¹Ani, ?Arraba kootiin cubbuu akkan hin dubbannetti, lafan dhaqu hundumaatti of nan eeggadha; hamma namni jal'aan ana bira jirutti, akka ani hin dubbanne eeggachuufis afaan koo nan hidha? jedhe.

²Wanti gaariin ana irraa fagaate; ani akka nama arrabni isaa didee nan ta'e, waan tokkos hin dubbanne; dhukkubni koo inni na waraanu garuu caalaa anatti in dhaga'ame*.

³Garaan koo na gubate, yaada koo keessattis ibiddi anatti in qabate; kana irratti arrabni koo in dubbate.[140]

⁴?Yaa Waaqayyo, dhuma jireenya koo barri jireenya koos hammam akka ta'e na beeksisi; attam ariifadhee darbuuf akkan jirus na barsiisi*!?

⁵Kunoo, ati bara koo hamma taakkuu goote, barri jireenya koos fuula kee duratti wayitti hin galtu; eyyee, nama ta'ee kan argamu hundinuu akkuma qilleensa shuf jedhuu ti*.[141]

⁶Namni akkuma gaaddisaa in darba, ofumaas in iyya; namni wal irra in tuula, abbaa fudhatus hin beeku*.

⁷Egaa maalan eeggadha yaa gooftaa? Abdiin ani qabu si*!

⁸Warra anatti darban harkaa na baasi, warra gowwootaaf muka kolfaa ana hin godhin!

⁹Situ akkas akka ta'u godhe, kanaaf ani hin dubbadhu, afaan koos hin saaqadhu;

¹⁰harka kee isa anatti ulfaatu jalatti akkan badduu hin baanetti, dha'icha kee ana irraa fuudhi!

¹¹Sababii yakkaatiif nama ifattee in adabda, wanta isa irraa nama gammachiisus hundumaa, akkuma ololeen nyaatutti ijaajjiitti in fixa; eyyee, nama ta'ee kan argamu hundinuu akkuma qilleensa shuf jedhuu ti*.[142]

¹²Yaa Waaqayyo, ati kadhata koo anaaf dhaga'i, gurra kees gara iyyata kootti qabi! Imimmaan koo ilaali malee, ana jalaa calluma hin jedhin! Anoo akkuma abboota koo, si duratti keessummaa dha, kara-adeemaa dhas*.

¹³Utuun hin godaanin, lafa irraas utuun hin dhabamin, takka fuulli koo akka ifutti, nyaara guurtee ana hin ilaalin![143]