Read west central oromo MACAAFA FAARFANNAA 41 Bible Online

MACAAFA FAARFANNAA 41 - west central oromo bible

MACAAFA FAARFANNAA 41

¹Namni isa dadhabaadhaaf yaadu haa gammadu! Waaqayyo guyyaa hamaatti isa in oolcha*;

²Waaqayyo isa in eega, jireenyas in kennaaf; biyya keessattis ?Isa gammade? in jedhama, yaa gooftaa ati, gojomii diinota isaatti dabarsitee isa hin kennitu.

³Waaqayyo siree dhukkubaa irratti ol isa in qaba, fayyisees siree dhukkubaa irraa isa in kaasa.[149]

⁴Ani immoo, ?Yaa Waaqayyo, anaaf oo'i, ani si duratti cubbuu hojjedheera, na fayyisi!? jedhee kadhadheera.

⁵Diinonni koo hamaa ana irratti in dubbatu, ?Inni yoom du'a, maqaan isaas yoom lafa irraa bada?? in jedhu.

⁶Namni ana ilaaluu dhufu, sobee anaa wajjin in haasa'a, garaa isaatti immoo dubbii hamaa kuufatee karaatti ba'ee isa in odeessa;

⁷warri ana jibban hundinuu waa'ee koo walitti in hasaasu, wanta hamaa yaadanii ana irratti in qopheessu.

⁸Isaan, ?Dubbii gadheetu isa irra ga'e, lafa ciisees deebi'ee hin ka'u? in jedhu.

⁹Namni garaa kootii, inni ani amanadhe, inni buddeena koo nyaate illee ana dhiituuf miilla ol fudhate*.[150]

¹⁰Yaa Waaqayyo, ati faara anaaf toli, diinota kootiif dugda akkan baasutti lafan ciisee ana kaasi!

¹¹Yeroo diinonni koo sagalee mo'ichaa ana irratti dhageessisuu dadhaban, anatti gammaduu kee ani kanaan nan beeka.

¹²Ani balleessaa malee waanan argamuuf, ati ol qajeelchitee na qabda, bara baraanis of dura na dhaabda.

¹³Waaqayyo gooftaan Israa'el, maqaan isaa baraa hamma bara baraatti haa eebbifamu! Ameen! Ameen*![151]