Read west central oromo MACAAFA FAARFANNAA 48 Bible Online

MACAAFA FAARFANNAA 48 - west central oromo bible

MACAAFA FAARFANNAA 48

¹Waaqayyo guddaa dha, mandara isaa keessatti tulluu isa qulqullaa'aa irrattis guddisee kan jajamuu dha*![168]

²Tulluun Xiyoon inni ol ka'inni isaa miidhagaan, guutummaa lafa kanaaf gammachuu dha; inni mandara mootii guddichaa keessaa, gara bitaatti ol fagaatee jira*.

³Mana ishee warra jajjaboo keessatti Waaqayyo ofii isaatii, da'oo amanamaa isheedhaaf ta'uu isaa mul'iseera.[169]

⁴Kunoo, mootonni walitti in qabaman, wal duukaas itti in adeeman.

⁵Akkuma kana arganiin na'anii in dinqifatan, wareeranii baqa keessaa fuudhan.

⁶Achitti rom'uun isaanitti dhufe, akka dubartii da'uuf ciniinsifattus muddamni isaan in qabate.

⁷Akka markaboota gara buufata Tarshiishitti adeemanii, warra qilleensa gara ba'a-biiftuutiin hurreeffamanii in ta'an.

⁸Waaqayyo bara baraan mandara isaa jabeessee akka dhaabu, akkuma dhageenye akkasumas mandara gooftaa maccaa, isa kan Waaqayyo keenyaa irratti argineerra.

⁹Yaa Waaqayyo, mana qulqullummaa kee keessatti, nuyi gaarummaa kee yaadanneerra.

¹⁰Yaa Waaqayyo, akkuma maqaan kee fagoo ga'e, jajuun kees andaara lafaa in ga'a; harka kee mirgaa keessa qajeelinni guuteera*.

¹¹Firdii dhugaa ati laattuuf tulluun Xiyoon haa gammadu, mandaroonni Yihudaas haa ililchan![170]

¹²Mandara Xiyoon naanna'aa, ishees marsaa, riqaa dhagaa ishee keessatti ijaaramanis lakkaa'aa!

¹³Dhaloota dhufutti akka himtaniifis dallaa ishee yaadaan qabaa, mana ishee warra jajjaboo keessa adeemaa!

¹⁴Inni kun Waaqayyo akka ta'e, yeroo hundumaa bara baraan Waaqayyo keenya, ammaa hamma du'a garasiittis geggeessaa keenya ta'uu isaa himaa*![171]