Read west central oromo MACAAFA FAARFANNAA 49 Bible Online

MACAAFA FAARFANNAA 49 - west central oromo bible

MACAAFA FAARFANNAA 49

¹Yaa saba lafa irraa hundumti keessan kana dhaga'aa, isin yaa warra lafa irra jiraattanii hundumti keessan gurra keessan as qabaa!

²Guddaa fi xinnaa, sooressaa fi hiyyeessaa, walii wajjin kana dhaggeeffadhaa!

³Afaan koo ogummaa haa dubbatu, wanti ani garaatti yaadus hubannaa haa argisiisu!

⁴Dubbii yaada gad fagoo of keessaa qabu fudhachuudhaaf gurra koo itti nan qaba, yeroo ani kiraara rukututtis hiikaa isaa isa dhokataa nan mul'isa.

⁵Guyyaa wanti hamaan na irra ga'u, warri faana na dha'an hamaa gochuudhaaf yommuu anatti marsan, maaliifan sodaadha?

⁶Isaan kun qabeenya isaanii in amanatu, sooruma isaanii isa tuullataniinis of in jaju*.

⁷Dhuguma iyyuu namni nama furu, yookiis gatii furee sanaa Waaqayyoof baasuu danda'u hin jiru;

⁸gatiin furee lubbuu isaanii sonaan guddaa dha, bara baraanis utuu hin baafamin in hafa*.

⁹Kanaafis namni bara baraan nama jiraachisuu, awwaalamuus isa oolchuu hin danda'u.[172]

¹⁰Ogeessonni iyyuu akka du'an eenyu iyyuu in arga, namni gowwaanis, namni doofaanis, lafa irraa in badu, qabeenya isaaniis warra kaaniif in dhiisu*;

¹¹biyya maqaa isaaniitiin waamamu yoo qabaatan iyyuu, awwaalonni isaanii bara baraan mana isaanii ti, dhalootaa hamma dhalootaattis lafa boqonnaa isaanii ti.

¹²Namni ulfina isaatti jiraachaa hin hafu, namni horiitti yookiis bineensatti fakkeeffamee waa'een isaa in raawwatama*.[173]

¹³Kunoo, warra gowwummaadhaan of amanatanitti kan akkasiitu dhufa, dhumni warra isaan duukaa of gurguddisuu isaaniitti gammadaniis akkas.

¹⁴Isaan iddoo lafa jalaatiif kaa'aman, duunis akkuma hoolotaa isaan in tiksa; bifni isaanii inni akka manaatti keessa jiraatan, iddoo lafa jalaatti irraa in dhuma; warri waan qajeelaa hojjetan immoo, ganamaan isaan irratti mootummaa in argatu.

¹⁵Waaqayyo garuu humna iddoo lafa jalaa harkaa na baasa; inni dhugumaan ofitti na fudhata*.[174]

¹⁶Namni yommuu sooromu, ulfinni mana isaas baay'achaa yommuu adeemu, waan guddaa sitti hin fakkaatin*!

¹⁷Namni yeroo du'u waan tokko iyyuu fudhatee hin dhaqu, ulfinni isaas isa duukaa hin dhaqu*;

¹⁸inni bara jireenya isaatti gammaduu isaa haa himu, ofii isaatiinis, ?Gaariitti jiraachuu keetiif namoonni si haa jajan!? haa jedhu!

¹⁹Garuu inni abboota isaa warra du'an, warra baraan iyyuu deebi'anii ifa hin argine bira dhaquun isaa hin oolu.

²⁰Namni ulfina qabaatee hubannaa dhabee, horiitti yookiis bineensatti fakkeeffamee, waa'een isaa in raawwatama.[175]