Read west central oromo MACAAFA FAARFANNAA 50 Bible Online

MACAAFA FAARFANNAA 50 - west central oromo bible

MACAAFA FAARFANNAA 50

¹Waaqayyo gooftaan inni danda'aan in dubbata, ba'a-biiftuutii jalqabee hamma lixa isheettis biyya lafaa in waama;

²tulluu mandara Xiyoon isa miidhagummaatti guutuu ta'e irraa, Waaqayyo in calaqqisa*.[176]

³Waaqayyo keenya in dhufa, callumas hin jedhu; ibiddi xaph godhu fuula isaa dura, bubbeen humna-qabeessis naannoo isaa jira*.

⁴Inni saba isaatiif firdii kennuudhaaf, bantiiwwan waaqaa warra gara olii jiran, lafas itti in waama*.

⁵?Warra anaaf of kennan, warra aarsaa irratti anaa wajjin kakuutti galan, walitti anaaf qabaa!? in jedha*.

⁶Waaqayyo ofii isaa abbaa firdii waan ta'eef, bantiiwwan waaqaa qajeelummaa isaa in labsu![177]

⁷?Ani nan dubbadha ati immoo dhaggeeffadhu, yaa saba ko! Ani Waaqayyo, Waaqayyo kee ti; yaa Israa'el, ani si irratti dhugaa nan ba'a.

⁸Ani ?Aarsaa kee nan dhabe? jedhee si hin komadhu, aarsaan qalma keetii yeroo hundumaa fuula koo dura jira.

⁹Ani dallaa keetii tuntunoo, karra kee keessaas korbeessa hin fudhadhu;

¹⁰bineensi caakkaa keessa jiraatan hundinuu, horiin tulloota kuma irratti bobba'anis kan koo ti.

¹¹Ani simbirroota qilleensa keessa balali'an hundumaa beeka, warri bakkee keessa adeeman hundinuus kan koo ti.

¹²?Biyyi lafaa wanti isa keessa guutes kan koo waan ta'eef, ani utuun beela'ee iyyuu sitti hin himadhu.

¹³Ani foon korommii nan yaadhaa ree? Yookiis dhiiga korbeeyyii nan dhugaa ree?

¹⁴Waaqayyoof galata aarsaa godhii dhi'eessi, wareega kees aabba isa hundumaa gara irraaf baasi*!

¹⁵Guyyaa rakkinaatti na waammadhu, ani isa keessaa butee sin baasa, ati immoo ulfina anaaf in laatta? in jedha*.[178]

¹⁶Isa jal'aadhaan garuu Waaqayyo, ?Ati maalummaa keetti seerrata koo tokko tokkoon himta? Kakuu koos maaliif maqaa dhoofta?? in jedha*.

¹⁷Itti fufees, ?Ati adaba jibbiteetta, dubbii koos of duubatti gatte.

¹⁸Hattuu yoo argite gammachuudhaan hojii isaa keessaa in qabaatta, ejjitootaa wajjinis hidhata in taata.[179]

¹⁹?Afaan kee hamaa akka dubbatuuf gad in dhiifta, arrabni kees gowwoomsaa tarree in galcha.

²⁰Ati gad teessee obboleessa kee irratti in dubbatta, sobaanis maqaa haadhoo keetii in balleessita.

²¹Ati kana gooteetta, ani immoo calluman jedhe; kanaaf ati akkuma ofii kee na seete; amma garuu ani sin ifadha; waan ati gootes ija keetti nan argisiisa.

²²?Egaa isin warri ana Waaqayyoon irraanfattan kana hubadhaa! Kanaa achi ani nan tatarsaasa, namni tokko illees kan oolchu hin jiru.

²³Namni galata aarsaa godhee dhi'eessu, ulfina anaaf in kenna; isa karaa isaa qajeelfatuttis, fayyisuu koo nan argisiisa!? in jedha.