Read west central oromo MACAAFA FAARFANNAA 51 Bible Online

MACAAFA FAARFANNAA 51 - west central oromo bible

MACAAFA FAARFANNAA 51

¹Yaa Waaqayyo, akka gaarummaa keetti araara anatti argisiisi! Akka oo'a kee isa guddaatti irra-daddarbaa koo haxaa'ii balleessi*!

²Yakka koo raawwadhu ana irraa dhiqi, cubbuu koottiis ana qulleessi*![180]

³Anoo irra-daddarbaa koo beeka, cubbuun koos gaafa hundumaa ija koo dura jira*;

⁴ani si yakkeera, si'uma duwwaan yakkes, wanta ija kee duratti hamaa ta'es hojjedheera; ati immoo dubbii ana irratti dubbatteen qajeelaa, firdii faraddeenis qullaa'aa ta'uun kee in beekama*.

⁵Kunoo, haati koo isheen garaatti na baatte iyyuu cubbamtuu turte, anis yakkaa ta'ee nan dhaladhe*.[181]

⁶Kunoo, ati keessa namummaa namaatti amanamummaa arguutti in gammadda, iddoo dhokataa sana keessattis ogummaa na hubachiifta!

⁷Hisoophiidhaan cubbuuttii na qulleessi, anis nan qullaa'a; na dhiqi cabbii irras nan adaadha*!

⁸Sagalee gammachuu fi ilillee na dhageessisi, lafeen koo warri ati caccabsites haa gammadan*!

⁹Cubbuu koo fuula kee duraa dhoksi, yakka koo hundumaa haxaa'ii ana irraa balleessi![182]

¹⁰Garaa qullaa'aa anaaf uumi, yaa Waaqayyo! Hafuura dhaabataas ana keessatti haaressi*!

¹¹Fuula kee duraa ana hin balleessin, hafuura kee isa qulqulluus ana duraa hin fudhatin!

¹²Gammachuu isa fayyisuu kee keessaa argamu, iddootti anaaf deebisi, siif abboomamuudhaaf hafuura na gargaaru anaaf kenni!

¹³Yommus ani warra irra-daddarban karaa kee nan barsiisa, cubbamoonnis gara keetti in deebi'u.[183]

¹⁴Yaa Waaqayyo, yaa gooftaa na fayyiftuu, dhiiga koo dhangala'uu oolchi! Arrabni koos waa'ee qajeelummaa kee gammachuudhaan guddisee in faarfata.

¹⁵Ati arraba koo hiiki, yaa gooftaa! Afaan koos jajuu kee in hima.

¹⁶Qalmi sitti hin tolu, aarsaa dhi'eessuu koottis ati hin gammaddu*;

¹⁷hafuurri yaada cabaa aarsaa Waaqayyo biratti fudhatamuu dha, yaa Waaqayyo, ati garaa cabaadhaaf bullaa'aa hin tuffattu*![184]

¹⁸Akka sitti tolutti Xiyooniif gaarii godhi, masaraawwan Yerusaalem deebisii ijaari*!

¹⁹Yommus qalma qajeeltootti, aarsaatti, qalma guutummaatti gubamuttis in gammadda; yommus iddoo aarsaa kee irratti tuntunoowwan qalmaaf in dhi'eeffamu.[185]