Read west central oromo MACAAFA FAARFANNAA 56 Bible Online

MACAAFA FAARFANNAA 56 - west central oromo bible

MACAAFA FAARFANNAA 56

¹Yaa Waaqayyo, araara anatti argisiisi! Warri na barbaadan ana in ari'u; warri na lolanis guyyaa hundumaa na cunqursu.

²Warri guyyaa guutuu na gaadan barbaadanii na ari'u, warri ol of qabuudhaan na lolan lakkoobsa hin qaban;

³ani yeroon sodaadhutti, amanannaa koo si irra nan kaa'adha.

⁴Waaqayyoon isa ani sagalee isaa jajadhu, Waaqayyoon sodaa malee nan amanadha; namni foonii maal na gochuu danda'a ree*?[195]

⁵Guyyaa hundumaa waan ani dubbadhu in micciiru yaadni isaanii hundinuu hamaadhaaf ana irratti ka'uu dha.

⁶Isaan walitti in gamtatu, in riphus; jireenya koo balleessuudhaaf in gaadu, tarkaanfii koos in caqasu.

⁷Wanta jal'aa hojjetanii hin ba'an, ati dheekkamsaan saba akkasii gad deebisi, yaa Waaqayyo!

⁸Joora koo ati lakkooftee keesseetta, imimmaan koo qodaa safaraa keetti walitti qabi! Isaan dhugumaan macaafa kee keessatti caafamaniiru.

⁹Yeroo ani Waaqayyoon waammadhutti, diinonni koo gara booddee in deebi'u; yommus Waaqayyo gara koo ta'uu isaa nan beeka.

¹⁰Waaqayyoon amanadhee sagalee isaa nan jajadha, goofticha amanadhee sagalee isaa nan jajadha.

¹¹Sodaa malee Waaqayyoon nan amanadha, namni maal na gochuu danda'a ree?

¹²Wanti ani siif wareege ana irra jira, yaa Waaqayyo! Aarsaa galataas siif nan dhi'eessa*.

¹³Fuula kee dura, yaa Waaqayyo, ifa jireenyaa keessas akka ani deddeebi'utti, ati lubbuu koo du'a, miilla koos gufuu oolchiteetta*.[196]